Правда за Мартин

Policeman Who Beat Young Man to Death Gets 14 Years in Prison

2012-01-22T09:35:00.001+01:00

This post is part of our special coverage Macedonia Protests 2011.

The trial of the policeman suspected of beating a young man to death while on duty as the PM's bodyguard during the celebration of election victory on the night between June 5 and 6, 2011, ended on Monday, Jan. 16. The police officer, Igor Spasov, member of the special forces and the only person on trial for the murder of Martin Neshkoski, received a sentence of 14 years in prison.

The attempt to cover up the murder sparked a protest movement against police brutality, through which citizens of Macedonia demanded justice, including apprehension of all accomplices, command responsibility, and political responsibility. The public prosecutor denied [mk] the victim's family's formal request to press criminal charges against the known and unknown accomplices, such as the policemen who were nearby during the murder and contaminated the crime scene afterwards, as well as those who were involved in the cover-up attempt.

The trial had a dozen sessions that were not extensively covered and analyzed by most of Macedonia's media, which rely on revenue from advertisements paid from the state budget. A notable exception is the portal PlusInfo.mk, which published a retrospective of the case [mk] the day before the sentence was announced.

Justice for Martin blog published a summary [mk] of the first ten sessions of the trial, written by activist Voislav Stojanovski's and first published [mk] by Radio Free Europe:

Click here for the full text written by Filip Stojanovski

Протести за Нешкоски и неодговорени прашања

2012-01-14T19:56:00.002+01:00

Протестен марш низ скопските улици и протест на младите пред судската зграда кога судот ќе ја соопштува пресудата за полицискиот специјалец Игор Спасов, одговорен за смртта на Мартин Нешкоски. „Стоп за полициска бруталност“в понеделник излегува надвор уште еднаш да повика на одговорност за претпоставените на Спасов пред досието за смртта на Нешкоски судски да се затвори.

Свесни дека само Спасов ќе остане виновен за насилството на плоштадот, откако Јавното обвинителство ја отфрли кривичната пријава на семејството поднесена против полицајци, инспектор и вработен во МЕПСО, младите сепак ќе испратат порака до надлежните да не ги штитат инволвираните во инцидентот. Правници за АЛФА анализираат дека во решението на Обвинителството со кое не се утврдува одговорност на четворицата пријавени за помагање и непријавување на сторител има правни недоследности.

Нејасно им е зошто обвинителството како аргумент го користи известувањето на Телекабел дека камерите на плоштадот само стримуваат, но не снимаат, кога се знае дека законски, и да снимаат камерите, материјалите не смее да се архивираат подолго од 30 дена. Нејасно е зошто обвинителството барало снимки шест месеци по инцидентот? Иако е утврдено дека настанот е пријавен во полиција, сепак не се знае каква е содржината на пријавата? Еден од сведоците на Крим- техника во судница изјави дека пријавил можен напад.

Оттаму прашањата – дали навистина пријавил? Дали ова стои во полицискиот извештај? И ако стои, зошто МВР тврдеше дека на момчето му се слошило? И на крајот, остана неодговорено дали обвинителството има полициски снимки од прославата на ВМРО ДПМНЕ, затоа што таквите настани со присуство на државници, задолжително се снимаат од полицијата. Дали на таквите снимки ако постојат се крие вистината за смртта на Нешкоски?

Љубиша Арсиќ - Алфа ТВ, видео

Da Dzaka Nakot - Murija

2012-01-12T00:10:00.000+01:00

Сингл на Џака Накот за #protestiram и Мартин Нешкоски

Мартин Нешкоски - убиство или несреќен случај?

2012-01-07T15:12:00.002+01:00

Воислав Стојановски – докторант на Универзитетот Масарик во Брно и активист на Движењето Стоп за полициска бруталност за Радио слободна Европа

Пет месеци по немилиот настан во кој згасна животот на младиот Мартин, започна судскиот процес против Игор Спасов – припадник на Единицата за специјални задачи при МВР и единствениот обвинет за настаните од кобната вечер на 6 јуни 2011. На судскиот процес му претходеа секојдневни улични протести, сомнителните изјави на МВР дека немаат информација што се случило таа ноќ и долгата, крајно пасивна и непотполна истрага од страна на Јавното обвинителство.

Револтиран од ваквиот однос на институциите, решив доброволно да го набљудувам целиот судски процес. Досега се одржаа 10 рочишта, а пресудата се очекува да биде донесена овој месец. Во продолжение следува резиме од исказот на обвинетиот и сведочењата на очевидците, службените лица и вештаците. Со цел јавноста да биде непристрасно известена, се воздржувам од лични видувања и коментари со цел да му овозможам на читателот самиот да ги изведе заклучоците.

Исказот на Игор Спасов

На 5 јуни 2011, доаѓајќи во Скопје од Куманово (каде обвинетиот околу 15 часа го обезбедувал изборниот процес), Спасов кратко пред полноќ од својот старешина добил телефонска наредба да продолжи со обезбедување на премиерот. Пред случувањата на плоштадот, тој на двапати го забележал Мартин како се обидува да се доближи до премиерот – еднаш пред Домот на АРМ и вториот пат на улица „Македонија“. Ваквите обиди биле спречени од обезбедувањето. Третиот обид се случил крај бината на која се одвивала прославата за изборната победа. И покрај тоа што Мартин бил предупреден од униформирани полицајци, тој не се откажал од настојувањето да пријде до бината. На ова реагирал Спасов извикувајќи „каде бе?“, по што Мартин почнал да бега, а Спасов започнал да го брка. Упорните обиди за пробивање на безбедносниот кордон биле симптоматични, па негова задача била лицето да го уапси и приведе во полициска станица. Во моментот кога Спасов се доближил до Мартин, тој се сопнал од кабел, со главата удрил во плочникот по што останал да лежи. Мислејќи дека симулира, Спасов го подудрил со нога но забележал дека Мартин е во бесознание по што веднаш се обидел да го реанимира. Набрзо на местото на настанот пристигнале споменатите униформирани полицајци кои повикале брза помош по што Спасов ги известил дека поради своите обврски мора да се врати кај бината. Во тоа не бил спречен од полицајците кои не му побарале да се легитимира. Иако на почетокот на судењето Спасов не откриваше детали за настаните по неговото напуштање, подоцна изјави дека за настанот составил службена белешка која била уништена од неговите претпоставени.

Сведочењата на очевидците

Најголем дел од очевидците не можеа со сигурност да потврдат дали напаѓачот кој го виделе е Спасов. За разлика од времето на настанот, тој во судницата се појави видно ослабен, со коса и брада. Многу мал број на очевидци ја потврдија веродостојноста на неговиот исказ. Останатите кои беа значително мнозинство говореа за една сосема поинаква верзија на настаните.
Според нив, во моментот кога Спасов го достигнал Мартин, му задал удар со тупаница одзади по што тој паднал но се задржал на едната рака. Обидувајќи се да стане извикал „не ме тепај“ но Спасов без задршка продолжил да му нанесува молскавични удари со двете раце по главата, а потоа и со нозете по телото. Дел од очевидците бруталноста на нападот ја опишуваа визуелно, преку гестикулации. Еден изјави дека такво крвничко тепање видел само на филм, додека друг кажа дека по настанот не може мирно да спие. Оние очевидци кои се обиделе да пристапат до Мартин во тоа биле спречени од страна на корпулентен полицаец во цивилна облека кој им се легитимирал. На дел им било речено „бегај и тебе да не те снајде истото“.

Сведочењата на службените лица

Првите униформирани полицајци кои пристигнале на местото на настанот потврдија дека со Мартин разговарале кај бината. По бркотницата биле повикани од толпата луѓе, а кога пристигнале на местото и прашале што се случило, Спасов им кажал дека на Мартин му се слошило. Еден од полицајците изјави дека ниту некого легитимирал, ниту ги прашал насобраните што се случило. Според него, тоа можеби било грешка. Спасов не го легитимирале затоа што им изгледал како лице од обезбедување. Траги на насилство кај Мартин не забележале. Следни на местото пристигнале докторка и медицинска сестра кои констатирале смрт, но не забележале траги на насилство. По кратко време пристигнала и екипата од Крвни деликти чии припадници забележале повреди (и одбранбени рани) по лицето и телото на Мартин. Од неколку очевидци им било предочено дека имало бркотница и физички напад за што го известиле Дежурниот оперативен центар на МВР. Во судот се појавија десетина колеги на Спасов кои вечерта биле на плоштадот. Спасов тврдеше дека и тие како него биле работно ангажирани. Сите, без исклучок, го негираа ваквото тврдење изјавувајќи дека на плоштадот биле како граѓани, а работниот ангажман им завршил пред полноќ. Иако овие сведоци имаа најконтрадикторни изјави, а дел од нив и се соочија со Спасов, останаа на официјалниот став на МВР дека ним и на Спасов работното време им било до 23:30 часот, односно пред почетокот на прославата за изборната победа. На последното рочиште судот се изјасни дека за квалификацијата „убиство“, во овој случај, воопшто не е важно дали тој бил на работа или не. Со тоа завршија напорите на Спасов да докаже дека бил работно ангажиран.

Сведочењата на вештите лица

Последното, исклучително значајно рочиште, требаше да даде одговор на прашањето која е причината за смртта на Мартин. Според невропсихијатарот и психологот, Спасов е екстровертен, амбициозен и упорен, со несигурност на планот на емоционалната контрола. За време на настанот бил целосно пресметлив, а самиот чин на бегање на Мартин претставувало најголема провокација, затоа што Спасов се чувствувал силен и не можел да дозволи некој да му побегне. Вештаците од судска медицина детално ги опишаа надворешните и внатрешните рани од повреди на над 20 делови од телото кои настанале како директна или индиректна последица од удари. Причината за смртта е крвавење во мозокот, предизвикано од директно делување на тапо-тврда, динамична, брза и краткотрајна сила со што се исклучува можноста смртната повреда да настанала од удар со глава во плочник.

Системска бруталност, власт и видео ленти

2011-11-14T16:21:00.001+01:00

Се сретнавме и разговаравме на темата како преку граѓански активизам и реформа на МВР до подобро општество. Освен мене како една од оние кои бараа правда на улиците на Скопје и пошироко, панелисти беа и г. Трипун Танушески – Заменик народен правобранител на Р. Македонија, проф. д-р Мирјана Најчевска – експерт, активист и бранител на човековите права и проф. д-р Гордан Калајџиев – експерт, Претседател на Македонскиот хелсиншки комитет. Министерката како што и најавив во најавата за трибината не се појави, а инфантилниот одговор како изваден од ВМРОгенератор кој го скопила нејзината PR екипа можете да го видите овде. Овој одговор самиот по себе е пример како да се води лоша и деструктивна политика, нема што да се коментира.

*За видеата: За жал останавме без видео од целата трибина, ова се единствените 5 видеа кои можев да ги најдам од публика (овде прикачените). Кратки се и нецелосни, но сепак се нешто. И благодарам многу на Јасна.

Системска грешка или инцидент

Г-динот Танушески како представник на народниот првобранител, односно како некој кој ги застапува ставовите на тоа тело, на трибината дојде со четири листа А4 формат, испишани од од г-динот Иџет Мемети и замоли да ги прочита затоа што таков е протоколот. Накратко од тие четири листа можам да извадам неколку точки; Според народниот првобранител законската регулатива во однос како се контролира МВР и како се справува со случаите е во ред, ваквите случаи се инцидентни и можат да се издвојат и оправдаат на идивидуално ниво, а грешката за тоа, наместо во законската регулатива треба да се бара во тренингот и обуката на полицијата. На крај, додаде дека јавниот првобранител се труди и учествува во ваквите случаи.

За целот текст од Тамара Атанасоска оди тука

Одговор на „одговорот“

2011-11-13T12:53:00.001+01:00

Од како го прочитав „Одговорот“ на поканата за учество на дебатата постојано ми се наметнува прашањето: Има ли граници ароганцијата и дрскоста на министрката Јанкуловска? Таа би сакала нашата покана да ја сфати како „оградување од досегашните протести, невистинитите обвинувања, навреди и клевети…“ Но, дури и така сфатена, нашата покана не ги задоволува нејзините критериуми, па си дозволува да не поучи дека „вистинското оградување би требало да биде во најмала рака во форма на извинување и благодарност до сите „тигри“ и „алфи“ кои се жртвуваа во „Планинска бура“ и слични акции.
Јанкулоска, сосема го игнорира образложението за целта за организирање на дебатата. За неа нема потрба од дебатирање за негативните појави, бидејки во нејзината перцепција такви не постојат. Во незината перцепција постои „демократски изразена волја на граѓаните кои по шести пат својата подршка ја даваат за опцијата за која сметаат дека им нуди подобра иднина“. Во нејзиното резонирање не постојат негативни случувања. Секоја иницијатива што има цел да укаже на такви појави е насочена против „легитимно изразената волја на граѓаните“, секој иницијатор е во служба на Бранко Црвенковски, а секој интелектуалец што ќе се дрзне да учествува во дебатата ќе биде ставен во наводници…
Во перцепцијата на министерката, невладините организации треба да организираат манифестации преку кои ќе ги величат заслугите и успесите на владата, или ќе организираат протести против опозицијата за одбрана на „демократски изразената волја на граѓаните“.
Не, госпоѓо министерке! Ние не се оградуваме од досегашните протести. Нашите протести имаа конкретен повод. Можеби за време на протестите имало и навреди кон „тигрите“ и „алфите“, но игнорантскиот однос и вашата индолентност кон нашите настојувања за поголемо почитување на човековите права и за начинот на изразување на револтот кај младите, потврдува дека вие сте таа што треба да им се извинете, зашто токму со таквиот однос допринесувате да бидат поистоветувани со „џелати“ и „убијци“.
Кога веќе министерката инсистира на извинување, единствено можеме да се извиниме што во поканата и определивме улога на клучен говорник. Од „одговорот“ се гледа дека тешко ќе можеше да се справи со таквата улога.
Сепак, со големо жалење можеме да констатираме дека Јанкулоска повеќе претпочита да гледа филмови, од колку да присуствува на дебати. Очигледно ние не сме во нејзиниот филм!
Но, сите оние кои протестираат нема да заборават, и овие прашања ќе ги поставуваме и понатаму, и ќе ги потсетуваме постојано институциите кои, сега и во иднина, се, и ќе бидат задолжени да ги решаваат ваквите случаи.
На крајот, кога веќе не пропуштате можност секогаш да не прилепите до Б. Црвенковски и неговата партија, јавно ве прашуваме: Чуму таквите прашања и квалификации министерке? Зарем мислите дека вие и Б. Црвенковски сте поразлични во нешто, со сето она што и го правевте и правите на оваа држава? Затоа ве молиме, во иднина, таквите прашања поставувајте му ги нему лично, бидејки очигледно кога толку често го споменувате вие имате почеста меѓусебна комуникација со него одошто било кога нашето движење.

Кирил Ефремовски - oxymoronmacedoniа

ЗА СУДИИКИТЕ, ЗАКОНИТЕ И КРШЕЊЕТО НА ОСНОВНИТЕ ПРОЦЕДУРИ

2011-11-05T17:53:00.001+01:00

Присуствував на првиот ден од главниот претрес на судењето поврзано со убиството на Мартин Нешковски. И за момент (ама само за момент) останав без текст од однесувањето на судиите кон еден ваков случај кој беше и се уште е предмет на огромен интерес кај јавноста и кој предизвика повеќемесечни демонстрации низ целата држава.

Не можам а да не помислам дека зад секоја од постапките стои намера случајот да се потцени, затскрие, омаловажи и сведе на размери на, на пример, случај на џепарлак или тепачка во кафеана.

Прв чекор во насока на обезвреднување на случајот беше просторијата во која се одржуваше главниот претрес. Наместо (имајки го предвид интересот за овој случај, меѓутоа и значењето на еден ваков случај во градењето на довербата кон правосудниот систем на државата и кон органите на прогон) судењето да се одржи во сала која ќе може да обезбеди присуство на заинтересираните и нормално одвивање на процесот тоа започна во најмалата можна судница во која и не е предвидено да заседава судски совет, туку само судија поединец. Во просторијата немаше можност никој да седи
дури ни семејството на убиеното дете), немаше воздух и не беа обезбедени елементарни услови за заштита на обвинетиот. Со ваквата постапка всушност на многу очигледен начин беше изиграна и одредбата со која судските постапки се јавни. Имено, отсуството на простор во кој таа јавност може да се смести е еднакво како и неисполнување на одредбата. Судијката (на многу пријателски начин) ни објасни дека нема простор во зградата на судот и затоа судењето мора да се одржи на ваков начин. Меѓутоа, заборави да спомне дека според чл. 296 од ЗКП: Ако во одделни случаи просториите на судската зграда не се погодни за одржување на главниот претрес, претседателот на судот може да определи претресот да се одржи во друга зграда. По 40 макотрпни минути, судењето сепак беше преместено во соодветна сала која на волшебен начин беше пронајдена во зградата на самиот суд.

Судењето продолжи во просторно соодветни услови, меѓутоа со огромен број процедурални пропусти и отворено кршење на Законот за кривична постапка, на кои бев лично сведок. Како граѓанин кој ги почитува законите имам обврска да укажам на сите овие пропусти и кршење на законите, со цел надлежните органи да превземат соодветни мерки.Заради ова и не можам да одговорам на барњето упатено од судот во неговото официјално соопштение за неизвестување за случајот додека трае постапката.На официјалната страна на Основниот суд 1 од Скопје е поставено соопштение со следната содржина:...

За целиот текст на Мирјана Најчевска клик тука

Бараме правда за Мартин

2011-11-01T16:28:00.000+01:00

The Reporters - Слобода, песна посветена на #protestiram

2011-10-25T10:23:00.001+02:00

The Reporters - Sloboda, песна посветена на #protestiram

The Reporters:
Mile Bosnjakovski (bass)
Zarko Dimitrioski (guitar)
Borjan Jovanovski (drums)
Petrit Saracini (vocals)
Stojan Trpcevski (vocals)

special guest on "Sloboda" - Pedo :)

produced by : Valentino Skenderovski, studio Enterprise II
music: The Reporters
lyrics: Saska Cvetkovska

Толку врева
А толку многу тишина
Гласот се крева
Нова лажна вистина

Мртов син
а толку многу верници
се колнат
пред олтар од тупаници

рефрен:
Во овие времиња
Кога се е тишина
Во овие времиња
ти велам слобода.

Гледам страв
И два бога, еден црвен, еден син
гледам срам
И совет, молчи синко, биди фин

Толку врева
А толку многу тишина
Гласот се крева
за нова лажна вистина

рефрен:
Во овие времиња
Кога се е тишина
Во овие времиња
ти велам слобода.

Обвинителен акт - Игор Спасов

2011-10-18T16:01:00.000+02:00

Obvinitelen Akt - Igor Spasov

Јавното обвинителство повторно потфрли

2011-10-18T15:38:00.001+02:00

ЈАВНОТО ОБВИНИТЕЛСТВО ПОВТОРНО ПОТФРЛИ НА ТЕСТОТ ЗА СПРОВЕДУВАЊЕ ЕФИКАСНА И ТЕМЕЛНА ИСТРАГА – СЛУЧАЈ МАРТИН НЕШКОВСКИ!

Поминаа четири месеци во исчекување на резултатите од истрагата за смртта на младиот Мартин, во кои државата имаше можност да ја поправи својата грешка од обидот за прикривање на случајот.

Но, очигледно укажувањата на пошироката и експертската јавност за темелна и ефикасна истрага не допреле до jавното обвинителство, кое го подигна обвинителниот акт само против осомничениот полициски специјалец, изоставајќи ги сите други евентуални негови помагачи или соучесници.

Иако се очекуваше дека истрагата ќе оди брзо и лесно имајќи го во предвид големиот број на сведоци-очевидци кои ги споделија своите сознанија и со јавноста, отвореноста и спремноста на јавноста да соработува во случајот, постоењето на безбедносни камери во близина и на крајот на краиштата присуството на голем број на службени лица од МВР на местото на настанот, сепак jавното обвинителство не успеа да се издигне над своите блиски релации со МВР и да ни докаже дека сите еднакво одговараат според законите, па макар тоа се и полициски службеници.

Република Македонија има обврска за спроведување на ефикасна, непристрасна и темелна истрага ослободена од било какви политички или други влијанија, особено во случаи на полициска бруталност како согласно домашните така и според меѓународните документи кои сме ги прифатиле како составен дел од нашиот правен поредок. За жал, државата во неколку наврати има потфрлено при овој предизвик поради што е предмет на критика на Комитетот против тортура кој укажува дека за полициските пречекорувања треба да одговараат не само конкретните сторители, туку и сите оние кои знаеле дека се случило такво нешто, но не го спречиле или пријавиле. За недостигот на темелна истрага и обид за прикривање на случаите на полициска бруталност има забелешки и во Извештаите на Европската Комисија како и во пресудите против Македонија на Европскиот суд за човекови права во Стразбур.

Сепак и порај континуираните забелешки на меѓународните фактори и обврските кои произлегуваат од пресудите на Судот во Стразбур, државата не изрази спремност да ја промени својата практика на прикривање на појави на полициска бруталност, за што сведочат и случаите „Бродец", како и последниот со Мартин Нешковски.

Хелсиншкиот комитет со загриженост заклучува дека во Македонија сe уште не постои волја и спремност на надлежните органи да спроведат компетентентна, независна и непристрасна истрага изолирана од политички и други влијанија. Комитетот апелира до јавното обвинителство да изготви јасни процедури за водење на истраги при полициска бруталност согласно стандардите востановени во меѓународните инструменти[6] и да се придржува до истите, како би можеле да докажеме дека навистина во нашата држава сите се исти пред законот.

Хелсиншки комитет за човекови права на Р. Македонија

Ние сме #protestiram - компилација

2011-10-10T11:59:00.000+02:00

Компилациско видео од сите партиципиенти кои испратија видео со поддршка за #protestiram

8 Септември

2011-09-09T16:37:00.000+02:00

Братот на Мартин Нешкоски повикува на протест на денот на неговиот роденден

2011-08-11T13:49:00.001+02:00

линк

Александар Нешкоски, братот на Мартин повикува:

„Ве поканувам во вторник на 16 август на денот на раѓањето на мојот брат во 18 часот кај спомен куќата на Мајка Тереза да го изразиме незадоволството од институциите надлежни за случајот со Мартин. Ги поканувам власта, опозицијата и сите други што можат да придонесат да се сплотиме како едно, да го решиме случајот и да се разбудиме од овој кошмар иако загубата е најголема за нас како фамилија, да се потрудиме да не се повтори грозниот чин од таа кобна ноќ“

Потребни се донации за хостинг

2011-08-08T19:54:00.001+02:00

Почитувани

Официјаниот сајт www.protestira.me времено не е во функција бидејќи приватното лице кое што хостингот го плаќаше од свој џеб, не е во можност да го прави тоа понатаму. Потребна е потребна вашата финансиска помош. Отворени е сметка за донации чиј што потписник е братот на Мартин, Александар Нешкоски. Ве молиме за вашиот придонес, кој колку може, за овој сајт да се одржи жив.

За донации од Македонија:

Шпаркасе Банка АД Скопје

Улица: Македонија 9-11, Скопје 1000 Македонија

Александар Нешкоски

250-0050001400-09

За донации од странство:

Bank Details:

Sparkasse Bank AD Skopje

Address: Makedonija 9-11, Skopje 1000 Macedonia

Account holder: Aleksandar Neshkoski

IBAN: MK07250052220022570

SWIFT: INSBMK22

Live Performance for #protestiram - Vienna public statement

2011-07-21T20:38:00.000+02:00

Live Performance by Boris Kaeski for #protestiram - Vienna public statement

Инфографик

2011-07-18T15:57:00.000+02:00

Support us! Protests against Police Brutality in Macedonia

2011-07-07T02:26:00.002+02:00

The Crime - A young man was brutally beaten to death by a police officer on Skopje's main square. The Ministry of Interior tried to cover it up!

Our response - After having learned the truth via social media, we commenced with daily peaceful protests against police brutality.

Their Response - Due to the pressure, they admitted the murder. Yet, other than the perpetrator, no one up the chain of command has been held accountable; they have also started a ruthless media campaign against us.

Our struggle for justice and ending police brutality goes on! We will be on the streets, until they take full responsibility.

You can support us in many ways:

Record a video with your message or take a picture holding this flyer -http://twileshare.com/awg and send it to nieprotestirame@gmail.com
Use the hashtag #protestiram on social media
Find out more: www.protestira.me

30 дена од протестите - Фотостории од ден 06.07.2011г.

2011-07-07T00:59:00.002+02:00

фотогалерија од Виктор Поповски

Фотогалерија на Небојша Гелевски, клик тука

Фотогалерија на Vidana DeSigm, клик тука
Фотоприказна на Внукот, клик тука

Протестен собир - триесет дена протести против полициската бруталност

2011-07-06T11:18:00.001+02:00

Отворената граѓанска иницијатива против полициската бруталност, Ве повикува на собир, во 19:00 часот, на платото зад спомен-куќата на Мајка Тереза.

Се навршија 30 дена од започнувањето на граѓанските протести против полициската бруталност во Македонија.
Ние и понатаму протестираме и бараме одговорност и одговори. Бараме реформи во полицијата и произнесување по барањата доставени до институциите на системот!
Затоа што знаеме кои сме и што бараме! Затоа што сме иднината на оваа држава, затоа што сакаме да имаме поубава иднина!

На симболичен начин да го одбележиме триесетиот ден од започнувањето на протестите кои и понатаму траат!
Ги покануваме сите граѓани, од сите возрасти, и сите националсноти да се приклучат на протестниот собир!

19:00 часот - зад спомен-куќата на Мајка Тереза!

По собирањето на граѓаните предвидено е собирот да премине во протестен марш низ улиците на Скопје. Крајна цел на маршот преку улицата пред Собранието ќе биде МВР.
Бараме правда! Бараме одговорност! Бараме одговори! Доста беше страв! Доста беше молк!Излези и протестирја и ти! Стоп на полициската бруталност!

од фејсбук настан

Views from Abroad on Protests Against Police Violence

2011-07-06T11:00:00.000+02:00

Ordinary people's reactions to the protests against police brutality in Macedonia indicate the strength of the grip of the traditional media, which are not very keen on relaying such “unpopular” news, and highlight the opportunities for solidarity once the information gets through.

Jovana Tozija, a Macedonian woman residing in Germany, wrote [mk, en] about the reactions of her friends:

Many of my international friends asked what’s going on in Macedonia after they saw me spamming on Facebook with links to sites with strange letters and when they saw that I'd changed my profile picture. I briefly explained to them the incident with the murder of Martin Neshkovski. Here are their responses and my personal analysis of their initial instant reactions.
A Russian woman: So? The police killed a man. Why are you making such a big deal out of it? There is nothing you can do about it.
Obviously, the awareness about freedom of speech in this country is not on the highest level. I don’t know if it is because they are afraid or because it is not developed enough. But I do know that there is over-centralized power of the oligarchs and there is literally nothing you can do about it.
An Iranian man: Only one person was killed?
This was his instant reaction. It’s not easy for him as well. He has seen worse. Last year, during the green revolution in Iran, the government was killing young people, just because [Ahmadinejad] would not recognize the electoral fraud. A bunch of progressive young people were protesting and they failed. Many of them were killed and Ahmadinejad is still in power.
A German woman: How can it be that for 2 days it was not known who the boy was and the case was not reported?

for full story go to Global Voices - Filip Stojanovski

Не сакаме да сме украс на лажната демократија

2011-07-04T13:42:00.000+02:00

ТЕА Модерна. Разговор со Александар Донев и Ениса Еминовска

Граѓанските протести против полициската бруталност се ново поглавје за поновата историја и демократизацијата на Македонија. Овие две неделе сведоци сме на раѓање на граѓанскиот активизам против неправдата и девијациите на институциите.
За целиот текст оди на http://www.ivanatasev.com/pdf/Protesti_Tea_Moderna.pdf

земено од фб профилот на Ивана Тасев

Протестите собрани на едно место - Внукот

2011-07-02T20:11:00.000+02:00

Протест по смртта на 22 годишниот Мартин [EN] [Video]

Ден 2 од протестите во Скопје [EN] [Video]

Трет ден протести во Скопје [EN] [Video]

Протестите продолжуваат - ден 4 [EN] [Video]

Македонија се буди! - протести, ден 5 [EN] [Video]

Протести, ден 6 [EN] [Video]

Осми ден протести во Скопје [EN] [Video]

Ден 9 од протестите во Скопје [EN] [Video]

Десет дена младинска република [EN] [Video]

Протести во Скопје, ден 11 [EN] [Video]

Забрана за собирање на јавно место?! [EN] [Video]

Ден 12 од протестите во Скопје [EN] [Video]

Најава за масовниот протест во недела [EN]

Заврши втората недела од протестите [EN] [Video 1] [Video 2]

Контрапротест? [EN] [Video]

Протести во Скопје, ден 16 [EN] [Video]

Најава: Масовен протест во сабота! [EN]

Скопје го гушна Собранието - протести, ден 20 [EN] [Video]

од Внукот

Global Voices Posts about Macedonian Protests Against Police Brutality

2011-06-28T14:35:00.000+02:00

This post is also available in Macedonian
- Блогерај: Глобал војсис за протестите против полициска бруталност во Македонија
- Блогспот: Глобал војсис за протестите против полициска бруталност во Македонија

This is an attempt to documents all the posts about the protests against police brutality in Macedonia that have appeared in various languages via Global Voices, starting with June 6, 2011.

English

2011/06/27 · Macedonia: New Parliament Assembles, Cements Election Victory for “Big Fish”
2011/06/24 · Macedonia: .mk Twitter Republic
2011/06/23 · Macedonia: How the Protests Started
2011/06/23 · Macedonia: Spreading the Word About the Protests, in Spanish
2011/06/19 · Macedonia: Pro-Government Media Promote Protest Impostors
2011/06/17 · Macedonia: Protest Achievements So Far
2011/06/17 · Macedonia: Gathering Prohibited in a Public Space?
2011/06/17 · Macedonia: Twitter as a Vehicle for the Protests
2011/06/17 · Macedonia: Concerns Over Anti-Protest Collusion of Facebook and Police
2011/06/14 · Macedonia: Reasons for Protesting
2011/06/13 · Macedonia: Spreading the Word About Protest and Civic Journalism
2011/06/11 · Macedonia: Protests Against Police Brutality/Murder Cover-Up Spread
2011/06/10 · Macedonia: Shameless Refusal to Accept Responsibility
2011/06/09 · Macedonia: Reminders of Unresolved Killings
2011/06/08 · Macedonia: More Anti-Police Brutality Rallies Planned
2011/06/07 · Macedonia: Online Community Prevents Murder Cover-Up
2011/06/07 · Macedonia: Protests Against Police Brutality to Continue
2011/06/06 · Macedonia: Alleged Killing of Young Man by Policeman Sparks Protests

Greek (Έλληνικά)

French (Français)

2011/06/24 · Macédoine : Twitter Republic.mk
2011/06/23 · Macédoine : Comment les manifestations ont commencé
2011/06/18 · Macédoine : Les premiers point positifs amenés par la contestation
2011/06/17 · Macédoine : L'utilisation de Twitter pendant les manifestations
2011/06/17 · Macédoine : Inquiétudes sur la suppression de pages Facebook
2011/06/12 · Macédoine : Les manifestations se multiplient contre la dissimulation des violences policières
2011/06/08 · Macédoine : Mobilisation des internautes contre la dissimulation d'un meurtre par la police

Spanish (Español)

2011/06/26 · Macedonia: Cómo empezaron las protestas
2011/06/25 · Macedonia: Medios progubernamentales promueven a manifestantes impostores
2011/06/22 · Macedonia: Logros de la protesta hasta ahora
2011/06/22 · Macedonia: Twitter como vehículo para las protestas
2011/06/24 · Macedonia: Razones para protestar
2011/06/21 · Macedonia: Difundiendo el mensaje sobre protesta y periodismo cívico
2011/06/23 · Macedonia: Se propagan protestas en contra de la brutalidad policial/encubrimiento de asesinato
2011/06/13 · Macedonia: Vergonzosa negativa a aceptar la responsabilidad
2011/06/10 · Macedonia: Recordatorios de asesinatos no resueltos
2011/06/16 · Macedonia: La comunidad en línea se manifiesta en contra de un encubrimiento de asesinato
2011/06/08 · Macedonia: Continúan las protestas contra la brutalidad policial

Chinese (Traditional - 繁體中文)

2011/06/07 · 馬其頓：警方涉嫌施暴

Chinese (Simplified - 简体中文)

2011/06/07 · 马其顿：警方涉嫌施暴

Hungarian (Magyar)

2011/06/27 · Macedónia: Twitter Köztársaság.mk
2011/06/24 · Macedónia: Spanyol blog a tüntetésekről

Malagasy

2011/06/27 · Makedonia: Repoblika Twitter .mk
2011/06/15 · Makedonia: Fihetsiketseham-panoherana ny Herisetra Afenina Ataon'ny Polisy
2011/06/10 · Masedoana : niteraka fihetsiketsehana ny lazaina ho famonoan'ny polisy tovolahy iray

Bangla (বাংলা)

2011/06/08 · ম্যাসিডোনিয়াঃ পুলিশের বিরুদ্ধে এক তরুণকে হত্যার অভিযোগ দেশটিতে বিক্ষোভের সৃষ্টি করেছে

Portugues (Português)

2011/06/16 · Macedônia: Protestos contra a Brutalidade Policial e Acobertamento de Assassinato se Espalham
2011/06/16 · Macedônia: Comunidade Online Previne Acobertamento de Assassinato
2011/06/16 · Macedônia: Suposto Assassinato de Jovem pela Polícia Inicia Protestos

Korean (한국어)

2011/06/09 · 마케도니나: 살인 사건 무마를 막아낸 온라인 커뮤니티

Macedonian (македонски)

via Filip Stojanovski - Razvigor

Не функционирам по нечии директиви (интервју во ФОКУС, 24 јуни 2011)

2011-06-28T00:10:00.000+02:00

Петар Стојковиќ е 25 годишен скопјанец, кој е дел од младите што веќе трета недела протестираат револтирани од суровото убиство на Мартин Нешкоски. Тој е дипломиран актер, а од неодамна хонорарно работи во Театарот за деца и младинци во Скопје.

ФОКУС Што Ве мотивираше да бидете дел од луѓето што протестираат?

СТОЈКОВИЌ Понеделникот, 06 јуни 2011-та, бев на проба во театарот од наутро до доцна вечерта. Кога се вратив дома и кога го пуштив телевизорот имаше што да видам. Политички мотивирани апсења и прогони, меѓупартиски плукања, говор на омраза... Но, веќе сум навикнал на политичката (не)култура во Македонија и оваа ситуација воопшто не ме изненади. Човек отрпнува кога сето тоа го претставува неговото секојдневие. Тоа што не ме остави рамнодушен беше веста дека на градскиот плоштад, на кој порано обожував да ги дочекувам утрата со пријателите, седејќи на клупите и гледајќи го изгрејсонцето, насилно згаснал млад човечки живот!

ФОКУС Првичните информации беа контрадикторни...

СТОЈКОВИЌ Прочепкав на интернет за да споредам повеќе извори и информациите беа поразителни: Уште еден случај на полициска бруталност кој овој пат резултирал со смрт на 22-годишно момче. Уште пострашно, официјалната изјава од СВР Скопје (дадена во 16:08 часот) беше спротивна од изјавите на сведоците дадени за некои медиуми што јасно говореше дека станува збор за обид за прикривање на убиството кое го сторило припадник на полицијата. Деталите за убиството се веќе познати на јавноста. Дали би сакал да живеам во земја каде ваквите убиства се третираат како несреќни случаи? Не. Дали би можел да замижам на непрофесионалниот однос на полициските припадници и нивната солидаризација во прикривање на убиства сторени од членови на нивните редови? Не. Дали би можел да се воздржам, а гласно да не извикам: Стоп на полициската бруталност? Не. Дали би можел да одам сам против сите? Не. Како што вели народот, една ластовичка не чини пролет!

ФОКУС И како станавте дел од протестите?

СТОЈКОВИЌ Единствената светла точка таа мрачна ноќ беше информацијата дека младите веќе се организирале преку социјалните мрежи и излегле на улиците на Скопје, за да го кренат својот глас против полициската бруталност и да побараат одговори и одговорност од надлежните институции на системот. Не се двоумев ниту еден миг, дека сега е моментот кога треба да се реагира. Во спротивно, би се чувствувал како соучесник во премолчувањето и прикривањето на убиството на еден млад човек и можеби би оставил простор за моето убиство еден ден, кое ќе заврши со ист епилог како овој, кој планираа институциите да и го наметнат на јавноста. Следниот ден, се јавив на моја колешка и заедно појдовме на протестите.

ПРОТЕСТИТЕ НЕМААТ ЛИДЕР

ФОКУС Дел од медиумите блиски до власта известуваат дека сте дел од сценарио на СДСМ за уривање на власта. Дали Петар Стојковиќ работи на такво сценарио?

СТОЈКОВИЌ После објавените прилози на ТВ Сител и порталот kurir.mk доставив писмени деманти кои овие медиуми не се одважија да ги објават. Дури, телефонски ги контактирав ТВ Сител на 16 јуни и побарав да ме поврзат со информативната редакција непосредно пред Дневникот во 18 часот, со цел да се вклучам во истиот и во живо да ги демантирам дезинформациите кои ги пласираа во јавноста, но, тие одбија да го сторат тоа, бидејќи не им одеше во прилог да им падне приказната во вода. За среќа, други медиуми го проследија демантот и вистината сепак излезе на виделина.

ФОКУС Дали сте човек на Милчин, како што сугерираат овие медиуми?

СТОЈКОВИЌ Уште еднаш најенергично ги демантирам клеветите и лагите кои беа изнесени во некои медиуми за етикетирање, дискредитирање и за нарушување на мојот јавен углед. Негирам било каква политичка поврзаност со проектот Надеж, ФИООМ (СОРОС) и нејзиниот извршен директор, Владимир Милчин. Исто така, неточна е информацијата дека сум присуствувал на било какви обуки во Белград за организација на вакви протести во друга држава.

ФОКУС Беше објавена фотографија, на која сте заедно Вие и Милчин?

СТОЈКОВИЌ Во прилозите, фотографијата која беше објавена од мене во присуство на Владимир Милчин е на час по актерска игра, каде Владимир Милчин им држи предавање на своите студенти по актерска игра на Факултетот за драмски уметности во Скопје. Притоа, ве потсетувам дека моето име е Петар Стојковиќ, а не Душан Петровиќ – лице кое воопшто не ми е познато, а кое некои медиуми го поистоветуваа со мене. Единствената моја поврзаност со Милчин е по основ на моето студирање на ФДУ на катедрата за драмски актери, каде и дипломирав во 2009 година и нема никаква политичка позадина. Не работам, ниту функционирам во животот по нечии директиви или менторство.

ФОКУС А кој е Душан Петровиќ?

СТОЈКОВИЌ Идентитетот на Душан Петровиќ на групната фотографија со Кирил Ефремовски не одговара со мојот идентитет, односно, не станува збор за мене. Сериозно би им препорачал на некои новинари да си ја проверат диоптријата пред да пристапат кон покажување со прст кон некого.

ФОКУС Дали сте еден од лидерите на протестот?

СТОЈКОВИЌ Во контекст на протестите против полициската бруталност, мојата улога во нив е иста како и онаа на секој рамноправен граѓанин на РМ, кој го користи своето уставно право на протест. Уште еднаш потсетувам дека протестите немаат лидери и водачи и истите се спонтано организирани преку социјалните мрежи како што се Фејсбук и Твитер.

ФОКУС Дали покрај медиумските манипулации доживувате и некакви други видови на притисоци?

СТОЈКОВИЌ После емитуваните прилози имав одредени закани и заплашувања кои веднаш ги пријавив во ОБСЕ и МВР. Минувајќи по скопските улици, секојдневно се соочувам со позитивни и негативни коментари од случајни минувачи. Некои луѓе ни честитаат за ревноста и несебично не поддржуваат во она што се обидуваме да го направиме и каузата за која се бориме. Многу од нив биле или сеуште се дел од протестите, но, има и такви кои допрва планираат да се приклучат кон истите. Негативните искуства, пак, вклуваат пцовки и недолични прозивки, а неретко се среќавам и со повици за мое спалување на клада или јавно бесење. Во секој случај, воопшто не се плашам и понатаму да ја поддржувам оваа граѓанска иницијатива се додека не се истурка правдата до крај и се додека не се преиспита и реформира дејствувањето на МВР и неговите припадници!

КОНТРАПРОТЕСТИТЕ СЕ ПОЛИТИЧКИ ИНСТРУИРАНИ

ФОКУС Кои се луѓето што протестираат пред СДСМ?

СТОЈКОВИЌ Тие луѓе, кои протестираа пред СДСМ, воопшто не ги познавам, а не ги познаваат ниту останатите кои повеќе од две седмици протестираат против полициската бруталност. Ние протестираме против институциите на системот, а не против политичките партии. Мој личен став е дека се работи за изманипулирани и политички инструирани лица од некои центри на моќ. Повеќе од очигледна е нивната заднина и кој стои зад нив.

ФОКУС Таткото на Мартин преку телевизија даде изјава, протестите да запрат, а неговиот брат Александар често пати е на протести со вас. Имате ли поддршка од фамилијата на убиеното момче, со оглед дека таткото и братот на Нешкоски спротивно се однесуваат?

СТОЈКОВИЌ Имам директна комуникација со братот на починатиот Мартин Нешкоски,Александар Нешкоски. Повеќе пати до сега, тој и членовите на неговото потесно семејство присуствувале на протестите и јавно ја изразиле нивната поддршка на оваа граѓанска иницијатива. Изјавата на таткото на Мартин не сум ја чул и навистина не би можел да ја коментирам. Со оглед на видео-записот каде мајката на Мартин Нешкоски кажа дека биле вршени притисоци од страна на партиски членови на ВМРО-ДПМНЕ, кои го посетиле нивниот дом и се обиделе да го убедуваат нејзиниот сопруг да не зборува против државата, т.е. да молчи, доволно говори дека изјавата на таткото на Мартин можеби е изнудена изјава или изјава дадена под притисок!

ФОКУС Што би претставувало успешен епилог на протестите?

СТОЈКОВИЌ Успешен епилог на протестите би било усвојување и реализација на барањата од претставката доставена до повеќе институции. Накратко, целосно расветлување на убиството на Мартин Нешкоски, утврдување на кривична одговорност и санкции, како за сторителот на убиството, така и за сите инволвирани лица кои биле соучесници или се обиделе да го прикријат злочинот. На долгорочен план, имплементација на реформите во полицијата според критериумите и сугестиите предложени во претставката!

ФОКУС Имате ли некоја порака што сакате да ја испратите?

СТОЈКОВИЌ Би сакал да ја искористам оваа прилика да им се заблагодарам на Народниот правобранител на РМ, г-динот Иџет Мемети, и Претседателот на РМ, д-р Ѓорге Иванов, кои ја дадоа својата поддршка на протестите како форма на изразување на критичкиот став на граѓаните и кои ветија нивно активно учество во дискусијата во рамките на нивните ингеренции. Особено ме радува што претседателот на државата, кој, иако доаѓа од редовите на ВМРО-ДПМНЕ, со неговото отворено писмо демонстрираше непристрасност и одлуката на граѓаните, поттикнати од оваа голема трагедија, да се ангажираат и да ги искажат своите ставови ја препозна како искрена иницијатива и искрена желба да се придонесе за подобрување на демократијата. Со тоа потврди дека претседателот на државата треба и мора да биде претседател на сите граѓани, без разлика чиј кандидат бил на претседателските избори. Се надевам дека идните функционери, кои наскоро ќе седнат во нивните фотељи, ќе го следат примерот на нашиот Претседател и дека ќе имаат неселективен пристап во работењето со граѓаните, без разлика на нивната национална или партиска припадност, вероисповед, сексуална определба...!

земено од фејсбук

Реакција на Владимир Петрески

2011-06-27T23:22:00.001+02:00

Реакција што пристигна на нашиот e-mail (nieprotestirame@gmail.com). Текстот е пренесен интегрално, без корекции:

По повод прилогот на Шител за делото на Gene Sharp и српскиот „Отпор“

Јас, Владимир Петрески, јавно признавам дека бев лицето кое самостојно, по своја лична иницијатива и совест и без притисоци или убедувања од никого, на една од Фејсбук страниците на протестот предложив до организаторите и пошироко до сите што протестираат, да се прочита книшката на професор Gene Sharp "From Dictatorship to Democracy" и дека постирав линк до неа. Исто така, јавно признавам дека предложив да се контактира српскиот „Отпор“ заради совети. Како и ова писмо, и мојот пост на Фејсбук беше со полно име и презиме (и со моја фотографија).

Но, она што ДБК не му кажала на Шител е дека тоа го направив со јасна назнака (како и што напишав) искуствата и од книшката и од „Отпор“ да се искористат не за рушење на аткуелната власт во земјава, туку за да се научат разни техники на ненасилен отпор заради поголема ефикасност на протестите и за побрзо усвојување на барањата. Не е дека ние во Македонија секој ден практикуваме ненасилен отпор и дека имаме искуство во тоа.

Точно е дека идеите во делото на професор Sharp беа користени во ненасилните протести за рушење на диктаторот Хосни Мубарак во Египет (заради што реномираниот Њујорк Тајмс објави интервју со почитуваниот професор) и точно е дека организацијата „Отпор“ е понекогаш повикувана од ненасилни демонстранти во Европа и пошироко, кога треба да ги споделат нивните искуства. Но, да се мисли дека овие две работи можат да се користат само за менување на режим, а не и за исполнување и на други легитимни демократски барања, значи да се биде глуп како ноќ и да не се сфаќа суштината на демократијата. Но, тоа и не треба да чуди од неписмени глупаци кои англиското име Gene го транскрибираат како „Гене“ наместо Џин.

Се уште сметам дека книгата на професор Sharp нуди серија совети како да се организира и да се практикува ненасилен отпор, а српската организација „Отпор“, пак, се уште сметам дека треба да се консултира заради совети и споделување искуства. Не сум сигурен дали некој од протестите го видел мојот пост и дали навистина ги послушал моите совети. Повеќе сум склон да сметам дека тој се изгубил меѓу стотиците други и дека не бил забележан (освен од ДБК, се разбира).

Не познавам никакво лице Кирил Ефремовски и на протестите сум бил вкупно два-три пати. Имам син од 19 месеци и не можам да присуствувам. Не познавам никого од повидните членови на протестите и ниту припаѓам на помладата генерација - имам 43 години.

И, на крајот, не знаев дека ДБК е толку уплашена и дека сум толку популарен во нивните канцеларии...

Срдечно,

Владимир Петрески

Видео од 25.06.2011

2011-06-27T14:14:00.000+02:00

Од свој агол - Мартин Стојановски

Фото галерии од 25.06.2011

2011-06-26T12:45:00.002+02:00

фото од @banekoma

Фото галерии:

Небојша Гелевски линк
Мартин Стојановски линк
Самир Љума линк
Мите Кузевски линк
Fosim линк
Т.Богданов линк

Во коментари или на @pravdazamartin оставете линкови од други фото галерии од 25.06.2011 кои не успеавме да ги приметиме.

Во сабота во 10, да го гушнеме собранието!

2011-06-24T18:30:00.001+02:00

Кој можеше да предпостави дека се ова ќе трае толку долго? 19 дена надеж за сите, 19 борба и упорност. 19 дена верба во подобра иднина. 19 дена со главата горе, високо.

19 дена, а јас оставив многу од себе по улиците. Не сум само јас, со мене се секој ден таму моите нови браќа и сестри. Доаѓаме од различни фамилии, веруваме во спротивни идеали, генерациски многу се разликуваме. Скоро сите се вработени, а го жртвуваат своето слободно време. Па сепак, не држи секој ден да се враќаме на нашето симболично место, спомен куќата на Мајка Тереза, не држи една заедничка мисла за подобра Македонија, каде можеме да живееме без страв дека за момент лудост, ќе завршиме како Мартин.

Првите денови, чекоревме и викавме, некогаш помасовно, некогаш помалку. Потоа си формиравме свое мало неофицијално собрание кое жубореше од идеи. Се формираа барања (помогна и големата интернет заедница), се поставија груби патокази како ќе продолжиме во иднина, се донираа по 10 денари. Јас уште не можам да се изначудам дека од нешто толку хаотично, излезе нешто волку прецизно. Никој од нас не знаеше што треба да прави. Сите првпат се соочивме со вакво нешто.

Пробаа да не угушат на разни начини.

за цел текст оди кај Тамара Атанасоска

Скенирај го кодот и прати SMS на твоите пријатели

2011-06-24T16:09:00.002+02:00

Dosta bese MOLK! Te cekam vo sabota vo 10 kaj Majka Tereza za potoa zaedno da go gusneme sobranieto!

Se geldame na protest vo sabota vo 10 pred Majka Tereza. Vreme e i ti da se pridruzis! Dosta bese MOLK!

STOP ZA POLICISKATA BRUTALNOST - se geldame vo sabota vo 10 pred Majka Tereza, ponesi prijatel

STOP ZA POLICISKATA BRUTALNOST - se obidoa da skrijat ubistvo - dojd vo sabota vo 10 casot pred Majka Tereza - DOSTA BESE MOLK

извор: http://dostabesemolk.posterous.com/

Забрането лепење плакати на огласни табли

2011-06-24T11:15:00.000+02:00

Не треба веќе да се протестира против полициска бруталност. Не, стварно. Зашто, тој што работи има право и да греши. Зарем е толку страшно што полицаец е осомничен дека убил момче од ќотек? И што други не се осомничени дека се обиделе да го прикријат убиствот? Ни прва таква жртва ни последна, нели? Ви кажувам, кога многу се работи, дневно по три смени наместо по една, стресот е многу голем, и такви работи е нормално да се случуваат. А од каде пак јас знам колку работат полицајците?

Епа еве, утрово рано отидов да залепам по некој плакат низ градов, од плакатите кои повикуваат на протести утре во 10ч пред Споменикот на Мајка Тереза и пред Собранието. Во 6:30 бев на плоштад Македонија и штотуку ги залепив плакатите на јавната огласна табла поставена на излезот од ГТЦ кон споменикот Воин на коњ. Таа огласна табла се состои од две високи бетонски паноа, и на неа има залепено се и сешто, од огласи за приватни часови по компјутери, па до концерти и плакати од минатите избори. Тукушто ги залепив моите плакати, кога еве двајца полицајци во униформа, ме прашуваат што правам и дали имам лична карта да се легитимирам. Се разбира, личната карта си ја носев со себе и љубезно им ја дадов. Ми рекоа дека сум сторил прекршок, односно дека не сум смеел тука да лепам плакати. Откако два пати најучтиво им објаснив дека се работи за јавна огласна табла и дека затоа лепам плакати токму тука, тие ми повторија дека се работи за прекршок кој беше насловен нешто како „повреда на јавната чистота“ и дека казната за тоа е 50 евра, односно ми рекоа дека за да се лепи на тие огласни табли потребна е посебна дозвола од Град Скопје. Потоа ми рекоа дека овој пат ќе поминам со опомена, да си одам и на крај едниот од нив ми рече „и да не те видиме веќе“. Бидејќи бев завршил со лепењето на плакатите кога тие се појавија, си отидов. Не им кажав ништо за тоа „да не те видиме веќе“, иако е јасно дека тоа беше навредливо за мене, бидејќи ако им кажев очигледно ќе имаше проблем во комуникацијата.

Ете тоа сакав да го споделам со вас, а ако лепите плакати денес – памет во глава – или земете си дозвола од Град Скопје или понесете 50 евра – личната карта се подразбира.

преземено од постот на „Во земјата на чудата“, блогот на Данко

Ние сме #protestiram

2011-06-23T16:00:00.010+02:00

Издвоете 10 секунди и поддржете ги протестите!

Секој еден од нас -поддржувач на протестите, да сними видео клип со својот лик, да си го каже само името, пр1: Јас сум Ана! пр.2: Ана од Неготино!; а може и само слоган, збор врзан за протестите (изборот е ваш), во траење од не повеќе од 5 10 секунди. Квалитетот на снимката е небитен, може со мобилен телефон, веб камера...
Целта е да собериме доволно материјал и тоа сето фино да го спакуваме и измонтираме во еден видео клип. Нека бидат 100, 200, 500, 1000... снимки, не е битно.
Имеше и предлог, што мене ми се допаѓа и ќе долови + атмосфера:

Првично, Јована Тозија предложи да ги повикаме сите познати фаци од јавнот живот да се приклучат и да го дадат својот придонес со изјави дека го поддржуваат протестот, а од тој материјал да направиме видео клип. Клик тука за содржината. Идејата останува, но некако тешко оди контактирањето и кандисувањето на ‘популарните‘. Затоа, одиме на спонтаност -нашето најсилно оружје, а ако има и од нив заинтересирани, предлагам да ги уфрлиме исто како и сите други. Сите се добредојдени! Може и паралелно да се направат повеќе клипови. Сега читам дека некои од познативе фаци се согласиле, а има и музички групи, па може и групна снимка да се уфрли, пр. Ние сме таа и таа група
Давајте сугестии во кометари! За да не губиме време, сугестиите (ако се изводливи) ќе бидат прифаќани во од.

~~Рокот на доставување на видео снимките е до вторник 28.06.2011г. понеделник 04.07.2011г.~~

Снимките да се испраќаат на nieprotestirame@gmail.com или, ако се поголеми од 10мб, што не е препорачливо, преку sendspace.

Јане Ѓорѓиоски - @ribaro

Додаток од @vlashko_lobi: Да ги замолиме нашите пријатели од странство да ни помогнат и да се снимат на англиски јазик.
YOUR CONTRIBUTION IS NEEDED:
Dear Friends,as you might know, big things are going on in Skopje and the rest of Macedonia.
За цела содржината на пораката која би им појаснила за што се работи, клик тука

Додаток: Видеа пристигаат и пристигаат... затоа рокот е пролонгиран до ЗАСЕКОГАШ!
Сите пристигнати клипови ќе бидат поставени на нашиот канал:
www.youtube.com/pravdazamartin

Против полициска бруталност на ТВ А1/А2 22 јуни 2011

2011-06-23T14:07:00.000+02:00

Тамара Атанасоска, Дамјан Георгиевски, Ениса Еминовска и Алек Митров на национален медиум ја претставуваат иницијативата против полициската бруталност

Протести - недела 19.06.2011

2011-06-22T21:16:00.000+02:00

Видео материјалот е испратен од Пријатели на протестот

Зошто протестирам

2011-06-22T16:57:00.001+02:00

Идеја @banekoma; реализација Александар Јосифовски.

Flickr галерија од #protestiram

2011-06-22T12:37:00.000+02:00

Видео стрим од 21.06

2011-06-21T21:19:00.003+02:00

Фото галерија од Он Нет

2011-06-21T16:14:00.001+02:00

Он Нет со извонредна фото галерија од +80 фотографии од #protestiram

http://on.net.mk/galerija/protest

Жал ми е

2011-06-21T08:32:00.001+02:00

Жал ми е. На почетокот кога почнаа протестиве против полициската бруталност си реков бреееее, сто кила млад прогресивен народ, граѓански иницијативи, демократија на дело… абе воодушевена бев. Воодушевена бев. Но сега чувствувам една горчина во устата и една грутка во грлото што нити можам ниту да ја плукнам, ниту да ја голтнам. И тешко ми е.

Поминаа 2 недели откако Мартин Нешковски беше убиен. Се протестира веќе две недели за да се дознае вистината. Јас лично не протестирам за оставка. Јас протестирам да се дознае дали имаше обид за прикривање на убиството. Оставката би следела како логичен потег ако навистина се докаже дека имало таков обид. Но се уште се надевам дека државата ќе ни докаже дека никој не се обидел да сокрие убиство. Се уште се надевам дека ќе ни бидат одговорени следниве прашања:

Кој е лекарот што дал наод дека нема физички траги на насилство на телото на Мартин Нешковски
Кои се луѓето што му помогнале на Игор Спасов да го премести телото и му дозволиле да си замине од местото на злосторот, без притоа да го пријават
Зошто случајот не е заведен во дневниот билтен на МВР на 06.06.2011
Како не знаела полицијата за случајов кога полицискиот центар 192 уште вечерта известил дежурен истражен судија за дека има мртво момче чие тело е преместено
Бил или не бил Спасов на должност кога го убил Мартин (има слики од него во 00.10 часот покрај премиерот, и покрај тврдењата дека имал усна наредба да биде на должност до 24 часот)

И јас си мислев дека поголемиот дел од народот ги мачат истиве прашања. Но не ги мачат. Нажалост повеќе ги интересираат промотивни понуди од Игуана Турс и секојдневно се во неизвеснот што ќе се случи со Цеца и затворот. А оние кои што ги мачат истиве прашања како мене, полека ја губат целата енергија за протестирање од пусто објаснување дека фамозниот Сорос (за кој што сум убедена дека ни 10% од населението знае кој е) нив не ги финансира.

И разбирам дека за една владеачка гарнитура е многу тешко да ти се случи ваков скандал. Дека ќе се обиде на секој начин да се дефокусира вниманието, и тоа ми е јасно. Но да се организираат контрапротести против протестирачите, претставувајќи се како вистинските протестирачи е стварно многу ниско. Жал ми е за Биљана. Се нашминкало девојчето, седотерало за пред камера. Нејзините 5 минути слава. И дале напишан текст да чита, ама од пуста трема девојчето звучи како 7 годишно дете што ја рецитира “Брзај брзај прваче…” Не и беше нејзе прв пат на телевизија, има Биљана веќе искуство, но со неизвежбан текст не се оди пред камера туку така. И откако некако успеа да го прочита текстот, се нацртаа утредента партиски војничиња со сокчиња и сендвичи на Мајка Тереза. Прашани кој е нивниот став во врска со случувањата тие одговорија: “Пааааа, нашиот став е …. да стоиме тука…” И тие нели, целите дотерани, знаеја дека ќе има камери, па нека ги личи на телевизија. На Фејсбук настанот за контрапротестите одржани денес, фрштеа коментари строго поврзани со полово општење со мајките на неистомислениците. За тоа дека младо дете е убиено, збор не стана. Само декларативно во описот на настанот.

Си викам: Кои се тие родители? Кои се тие родители што дозволуваат при вакви валкани партиски игри нивните деца да бидат искористени како војници во први борбени редови кои што секогаш гинат, а нивниот генерал да стои позади нив, на сигурно. Не беа некои од нив ни сигурни како се вика убиеното момче! Кои се тие родители што не успеале да ги научат своите деца простопроширени реченици да сврзуваат? Кои се тие родители што им дозволуваат на своите деца некој друг да мисли за нив? Кои се тие родители што им дозволуваат на своите деца така вулгарно да се изразуваат? Мене со моите 28 години се уште ми е срам вулгарно да се изразам пред моите родители, макар било тоа и кога раскажувам виц. А и на нив пред мене! Кога бев помала не смеев ни да помислам на такво нешто. А кога ќе се обидев да се направам важна и ете да докажам дека и јас сум кул и смеам да пцујам пред моите родители, ќе добиев од време на време една преку уста. Чисто превентивно. За да не ми се случи друг пат. И мене стварно не ми е јасно од каде толку поган јазикот на тие млади деца. Не одат ли во школо? Нема ли таму професори? Психолози? Терапевти? Не гледа ли ова општество дека има тука суштински проблем на неедуцирана младина со хоризонти што стигаат до нивната черга од пред врата. Дека само тоа умеат, да се маваат во гради кога на нивниот митинг ќе дојдат повеќе луѓе отколку на другиот. Многу ми е жал. Многу!

од блогот на Јована Тозија

Чуму протести

2011-06-20T17:21:00.000+02:00

Граѓанските протести против полициската бруталност кои се одвиваат во Скопје, а од петокот (10.6.2011) и во неколку други градови во Македонија (Битола, Струмица, Куманово, Кочани…) (следи овде), се значајна пресвртница за демократијата во Македонија. Секако, ова е прв пример за успешен ОНЛАЈН ГРАЃАНСКИ АКТИВИЗАМ во кој луѓето потпомогнати од социјалните мрежи се информираа, координираа и организираа настани и протести во кои гласно го искажаа својот став и отпор кон неправдата и девијациите на институциите. Побараа одговорност од оние кои затскриени зад величието на државата, институциите и системот, и кои надвор од секакво морално и законско право, применуваа сила, прикриваа, манипулираа и во крајна линија дрско лажеа за да ги задржат своите позиции на моќ и извори на материјална полза. Меѓу другото, се работи за глас против тоа државата да гради класа луѓе кои се над законот, особено противоние кои се служат со физичко насилство и злоупотреба на овластувањата.

Исто така, ова е редок, ако не прв, пример граѓаните за одредена кауза да ги употребат своите легитимни права за ПРАКТИКУВАЊЕ НА ДИРЕКТНА ДЕМОКРАТИЈА. Во овој случај тоа беа протести, петиции и јасни барања за неодложно спроведување на правдата (се разбира, директната демократија има и редица други методи, види и повеќе). Директната демократија во независна Македонија е целосно отсутна и е потисната од „репрезентативната демократија“ (бираш некого на ден на избори и потоа 4 години си свиркаш) или пак најчесто беше политичко-партиски менаџирана (да не кажам манипулирана), како на пример во извесниот (?) референдум за името, референдумот за територијалната поделба од 2004 и така натаму. Протестите се потсетување дека за најважните вредности мора директно да се заложиме и да ги помрднеме задниците, работите не се менуваат сами од себе, а оние кои се прогласуваат за СПАСИТЕЛИ, лидери, водачи и слично, или се лажни, или се спасуваат и обезбедуваат самите себе си.

за целиот текст од Сеад оди - Дејгиди

(English translation of the text available at the following link http://shorttext.com/zsup7qbaxp5).

Концерт, протести и „контрапротести“

2011-06-19T22:38:00.000+02:00

Протестите по повод убиството на Мартин Нешковски и неговото прикривање од страна на власта, продолжуваат и понатаму. Во рамки на денешните протести, во 12 часот на платото кај спомен домот на Мајка Тереза се одржа концерт, на кој настапија неколку познати македонски бендови, по што започнаа и протестите. На манифестацијата присуствуваа поголем број граѓани на Скопје, но и гости од внатрешноста, како од помладата, така и од постарата генерација. Од познатите личности би го спомнал појавувањето на Жарко Јордановски, новинар (патем и кандидат на партијата „Достоинство“ на неодамнешните избори), потоа Горан Таневски, вокалистот на Мизар, писателот Александар Прокопиев, а учество во протестиве деновиве земаа и пејачката Ана Костовска (вам позната од групата Бастион и од „Бушава азбука“), како и актерот Петар Арсовски. Изјави на поддршка дојдоа дури и од претседателот на Република Македонија, Ѓорѓе Иванов, кому наши претставници претходно му ги врачија нашите барања.

На собирот денес присутен беше и братот на Мартин, со кого имав прилика и да се запознаам. Семејството на Мартин изразува поддршка за протестите и како што веќе претходно имам пишувано, тие ни подарија негова слика, која редовно се носи на протестите на чело на колоната. Концертот заврши со настапот на познатиот скопски хип-хопер Џаканакот, по што насобраните ја започнаа протестната поворка по улиците на градот, со застанување пред Владата, судовите и Собранието. Протестот заврши успешно и покрај отежнувањето, кое ни го направи пеколното сонце.

за цел текст оди кај VBB

Truth is incontrovertible

2011-06-19T21:18:00.000+02:00

Имам потреба да бљуцнам крајно непопуларни мисли што ми се вртат во главата во врска со Мартин и протестите.

Не сум гласен човек. На протестите учестувувам маргинално но најредовно што ми дозволува животот. Но нема ден да не падне караница на темата со некој. Ми се исуши устата објаснувајки дека можам ако сакам на плоштад калаш да извадам и да ги испоубијам сите и кога ќе дојде цајкан? Јас ако не се противам нема право да ме убие. Ако се противам физички без да му е загрозен животот? Не смее да ме убие! Не прави никаква разлика дали Мартин Нешовски крадел пиво или пробувал да се качи на бина или бил издрогиран до максимум. Не прави разлика дали тигарот бил на должност или не. Не смее никој да одземе живот. Тоа ни е основата. Барем мојата основа.

Тоа што се случи е трагично и недозволиво и треба да се казни. Ама искрено не верувам дека можело да се спречи. Ми треба значително поголема доверба во човештвото од таа што ја имам за да мислам дека може да постои систем во кој ова не се случува. Звучи одвратно, но мислам дека случката била трагична грешка. Да не бидам сфатена погрешно, треба целото општество да се стреми во насока тоа никогаш да не се повтори.

И некако во целиов револт што го покажуваат луѓето не е одразено она што мене најмногу и постојано ме мачи.

Имаше обид за прекривање на целиот чин! Повеќе од 36 часа надлежните органи се преправаа дека немаат воопшто таков случај! На самиот почеток дури имаше и одрекувања дека имало починато момче на плоштад таа вечер. Случајот од очевидци беше пријавен уште вечерта кога се случил. Дури и да имаш тело што не знаеш како починало, ако ти се јавуваат да ти кажат луѓе дека виделе што се случува се водиш од тоа и истражуваш.

Дури и да е официјалната верзија точна. Да претпоставиме дека Игор Спасов дејствувал надвор од должност од свои извртени причини, дури и да киднал од местото без колеги да го препознаат (не се знаат сите цајкани меѓусебе!) дури и полицајците што дошле да мислеле навистина дека детето се онесвестило (иако очевидци им кажувале дека голем тип најверојатно цајкан, буквално го убил детето од мавање!) останува еден многу важен фактор за кој што нема објаснување. Во МВР уште вечерта почнало да се шири гласината дека „некој алфа убил некое дете на плоштад“. Ова не е мое мислење, ова е факт. Ако се зборело по улици, се зборело во полиција.

за целиот текст оди кај Ивана

Обиди за распарчување на младинското движење

2011-06-19T21:13:00.000+02:00

Од кластерот на Тиме.мк
http://www.time.mk/cluster/a2fa678799/index.html

Каде се движи протестот и каде се движи општеството?

2011-06-19T21:07:00.000+02:00

Поттикнат од случувањата во Македонија, кои постојано ги следам, и од емисијата на радио МОФ, каде за жал фатив неполни 10 минути од целата дебата, може да се забележи дека постојат несогласувања помеѓу демонстрантите па како надворешен набљудувач, со ладна глава, сакав да напишам еден пост со кој се надевам дека ќе придонесам или ќе поттикнам некоја идеја за анализа на моменталната состојба и насоката во која треба да се движи протестот.

Она што забележувам е дека најспорни точки помеѓу демонстрантите се:
1. Како да се избегнат партиските етикетирања?
2. Како да се остварат целите на движењето?
3. Зошто не, а зошто да концерт?
4. Дали во движењето треба да се приклучуваат и групи, или само индивидуи?
5. Дали во движењето треба да се приклучат политичари и јавни фаци?

Одиме по ред. Би почнал од најбитното, како “да се избегнат“ партиските етикетирања. Би започнал со ова, затоа што низ годините активизмот најмногу пати од опасноста за етикетирање што одзема многу енергија и прави расцеп по разни основи. Главното прашање е, како да се смени главниот дискурс? Мојот одговор и главен аргумент би бил, во оваа ситуација, а и во многу други, главно е да се нагласи РАЗЛИКАТА ПОМЕЃУ ДРЖАВАТА И ОПШТЕСТВОТО. Читајќи на оваа тема наидов на еден текст од познатиот автор по студии за безбедност, Ole Wæver каде во неговата книга “Securitization and Desecuritization“ (не знам адекватен превод) се обидува да ја најде границата помеѓу општество и држава во ситуации кога суверенот/владетелот и неговата позиција се загрозени. Во таква ситуација големи се шансите елитите да ги суспендираат границите, затоа што тие и нивните формални институции одлучуваат кога општеството и државата се загрозени велејќи дека – општество, па тоа сме ние. Пример: во случајот Владата вели: ние добивме мнозинство на избори, ние ја конструираме владата, ние го конструираме општеството и оттука црпиме легитимитет. Користејќи ја оваа логика секогаш дебатата се префрлува врз “институциите на системот“ (види одговор од МВР на барањето од група граѓани) или се спинува одговорност врз другиот политички ентитет кој сака да го загрози нивното суверено/владејачко право – СДСМ, и наместо институционален добиваме политички одговор. И не е само овој случај, често владата (државата) избегнува да дебатира со цивилниот сектор (општеството) кога се донесуваа било какви закони а во демократските општества “дебатата“ е најбитната точката каде државата и општеството се среќаваат и се еднакви. Тука “општеството“ го кажува својот став за актуелната состојба и дава патоказ за иднината. Со суспендирање на оваа точка, свесно или несвесно, се суспендира границата и државата доминира врз општеството не оставајќи го слободно. Како практични примери би ги земал случајот со неформално суспендирање на Економско-социјалниот совет и не консултирање на Синдикатот при донесување на нов закон за работнички права; не консултирање на НВО-ат кои се занимаваат со антидискриминација за закон кој ја третира таа проблематика, не прифаќање на барањата за реформи во полицијата и ред други примери. Ги знаете, ги има многу. Така секое барање од “општеството“ се третира како “политичко“ и како загрозување на суверенитетот на владетелот. Оттука нервоза и дополнителна безбедност/securitization со третирање на демонстрантите како загрозувачки елемент по нивната сувереност и спинување од провладините медуми за конспиративност против државата и нивно политичко боење. Затоа го добивме и тој непријателски политички одговор од државната институција - МВР, зато ги добиваме прекрасните прилози од ТВ Сител.

за целиот текст оди кај Васил Киревски

Низ слики 19.06.

2011-06-19T17:15:00.014+02:00

Сликите се едитираат како што пристигаат на твитер со тагот #protestiram
И Внукот со фото и видео од протестите

Мапа на движење во недела 19.06.

2011-06-18T21:30:00.000+02:00

клик за поголема

Недела 19.06.2011

2011-06-18T21:24:00.000+02:00

Постери за во недела 19.06

2011-06-18T21:16:00.004+02:00

клик на сликите за поголеми

Уште постери за утре, клик за PDF

Прашање

2011-06-18T21:07:00.000+02:00

Би сакал да се обратам до организаторите на протестите, ако има такви и општо до сите учесници чисто со едно прашање.

Јас мислам дека би требало да се отвори некој канал за донации и со оглед на тоа што има веб страници, дека најдобриот канал би бил тоа да биде онлајн. Значи да се направи или на protestira.me или на justiceformartin.blogspot.com или пак на некоја друга страна чисто копче донирај, нека има опција донирај анонимно или транспарентно и тие средства да се користат за целите на протестите.

Зашто мислам дека тоа треба да се направи е затоа што има група на граѓани кои можеби не смеат, можеби не сакаат да излегуваат на протести, но сакаат да го поддржат ова движење и барањата кои ги има. Таа група на граѓани нема како да даде поосетлива поддршка и наместо да остане на ставање на беџ на профајл пикчр ќе имаат можност да донираат, па макар и 100 денари. Има некои кои можеби не можат, од други градови или заради најразлични причини и тн.

Ова е чисто едно размислување и го поставувам јавно чисто за да се отвори дискусија, можеби и е глупава идејата, можеби не треба, но сепак сепак да си прашам. Па пишете про контра или едноставно ако е ок, да се направи.

од aerodromskison.blogspot

Социјалните мрежи тресат и кај нас

2011-06-18T16:36:00.000+02:00

Протестите по убиството на Мартин Нешковски траат веќе две недели. Фејсбук и Твитер генерацијата почна со улична демократија да бара одговори од институциите, а тие реагираат како затечени. Институциите, почнувајќи од најповиканото МВР, преку министерката Јанкуловска, па сè до премиерот, досега го манифестираа само сопственото ниво на заробеност - министерката не дава оставка, МВР лесно премина преку обидот да се прикрие убиството, а премиерот кажа дека му е жал и, пак удри по СДСМ.
На Македонија $ се случуваат граѓани, а генератор и кај нас се социјалните мрежи.
Според Филип Стојановски од невладината "Метаморфозис", последниве настани во Македонија се промовираат како форма на организирање на самите граѓани.
"Имаме ситуација во која граѓаните одговараат на одредена неправда и на сомневање дека нешто не е во ред со функционирањето на системот. Граѓаните се вклучуваат во движењето за да предизвикаат реформа на институциите за да бидат тие поефикасни, поотчетни и поотворени кон граѓаните во спроведувањето на законите. Случајот е само повод, но барањата се во насока да се натера системот да функционира", вели Стојановски.
Граѓанскиот активизам се манифестира во ситуации кога институциите молчат и на барањата од граѓаните или не одговараат или одговараат незадоволително.
"Светска тенденција е да се смируваат масите преку нудење нерелевантни содржини или да се задушува критичкото размислување со одвлекување на вниманието со забава, озборување или со ПР активности да се спинуваат информации", вели Стојановски.
Оној дел од граѓаните кој не потпаѓа под замајувањето, излегува на улица. Тука проработува организирањето преку социјалните мрежи.
"Во овој последен тажен случај се покажува дека граѓаните во социјалните мрежи најдоа погодна алатка за комуницирање, информирање, координирање и за организирање, во обид да истераат свои легитимни права и правдини. Овој случај е многу различен од случајот "Кале" каде што социјалните мрежи беа инструмент за мобилизација за меѓуверски судир. Социјалните мрежи се само комуникациска алатка со која полесно се изведуваат процеси кои се веќе постојни во општеството. Македонија не може да се споредува со арапските револуции, за разлика од нив во Македонија приоритетот е отворање на институциите и зголемување на нивото на одговорност на институциите пред граѓаните", вели комуникологот Сеад Џигал.

за целиот текст оди - Вест

Како почна се ова ( Протест против полициска бруталност )

2011-06-17T20:26:00.003+02:00

Кога нешто ќе почне сосема искрено, како совест која притиска и не те остава да спиеш, а ќе се прошири до размери кои се простираат до менување на свеста на успаните македонски граѓани, приказната личи неверојатна. Никој во ова време не верува во вистинските човечки вредности, осебено во Македонија, каде сите чекорат со наведната глава. Лесно е на таа приказна, ако вистински не го знаеш почетокот да и залепиш разни придавки, да ја осудиш, од било кои причини кои ти одговараат.
Вечерта на 5ти сите си беа на Баскер Фест. Јас имав работа, седев дома. Зошто работам навечер, бев будна кога се уклучи онлајн еден другар на Фејсбук. Беше видно потресен, рече дека има да каже нешто, раскажа за убиство кое се случило пред неговите очи; како што рече, најмногу го потресло тоа што го гледал младото тело покриено со ќеси како седи само а никој не се грижи за него. Не бил сам. Со него биле околу 10тина мои други познаници. Мојот пријател е еден од главните сведоци во случајов и можеби сте го виделе некаде по телевизии како дава изјави, иако не му се гледа идентитетот, храбро уште од првиот ден. Како што се сеќавам, не го обасјни до детали убиството, само рече дека младиот дечко бил брутално претепан, со ногата во глава, а главата во клупа, од страна на припадник на Алфите. За оние кои не им се верува како препознал, извинете ама сите знаеме како изгледаат нашите специајални единици.
Искрено, малку ми звучеше неверојатно. Иако раскажа дека видел дека детето лежи на тревникот оставено и покриено со ќеси, сепак, си мислев, ќе знаеме повеќе утре. И видете го мојот шок следното утро, кога наместо да знаеме повеќе, дознав помалку. Во Макфакс имаше објавено вест дека не момчето му се слошило. Се исто, само причината за смртта друга. Ме облеа ладна пот. Знаев што се случува. Веднаш му се јавивме на другарот, колку да се консултираме, потврди дека се работи за истото. Мраз. Што да ви кажам друго. Не знаев што да правам. А кога си твитерџија и кога не знаеш што да правиш, твиташ. Ако сте ја погледнале хронологијата на настаните, таму има еден твит од неименуван твитер корисник кој гласи:„Алфите вчера утепаа дечко на плоштад а видете што пишува по весници (линк до текстот во макфакс). тие се вашите чувари, ви ги убиваат децата. “(твит) А што друго да кажам? Не излажав. Набрзо добив многу прашања на твитер, се трудев да им ја објаснам случката на сите. Некои ми веруваа некои не. Твитот е ретвитнат 20тина пати. Се шири веста. Тоа беше во 16:34 часот. Лута и бесна дека сум немоќна, истото го напишав и на тромавиот Фејсбук. Таму никој не ме праша што се случува, но во сандачето добив порака од една од другарките кои биле таму вечерта дека во 17 часот, на фонтана во парк ќе се чека екипа од А1 за да земе изјави од очевидците, исто пријатели. Замоли да одиме таму за поддршка. Јас погрешно сватив дека се збираме таму, можеби како форма на протест, а мојата другарка мислела само да одиме да се видиме со другите очевидци кои се таму. Тоа е, доказ дека некогаш од грешка може да се случи нешто убаво. Затоа што единствено од Твитер заедницата добив заинтересираност и одговор нив ги повикав: „Веќе почнале да се собираат кај фонтана во парк. Ако сте луѓе, дојдете.“ (твит)Твитот е ретвитнат скоро колку и првиот. Излегов.
Моите пријатели со телевизиската екипа се скриле малку повнатре во паркот, за да не ги гледаат луѓето. Застанавме за кратко, да ги почекаме да завршат, но поради должината на интервјуто, решивме да се упатиме кон фонтана. Таму, затоа што задоцнив заради чекањето, веќе затекнав луѓе. Повеќето непознати. Почна да ми ѕвони телефонот, луѓе да се најавуваат дека ќе дојдат. Твитерџии доаѓаа, многу од нив запознав тој прв ден. Отпрвин имаше повеќе новинари од луѓе. Ги исплашија малку очевидците. После почна да се полни, веројатно секој викаше некој, не знам. Одев од човек на човек да разкажувам што се случило. Многукратно. После некое време, кога се собраа скоро 100тина луѓе, кој од кај и да чул, почнавме да се организираме полека. Некој донесе тетратка и почнавме да се потпишуваме. Решивме да одиме на кај Баскер Фест и да им раскажеме на луѓето таму. Некој донесе мегафон. Тргнавме.
Одевме иако не знаевме ни за кого, ни што точно се случило. Чекоревме, грст народ, видете и по сликите, не знаејќи се помеѓу себе тргнавме по улиците да привлечеме внимание. Сакавме само одговор, некој да каже што се случило. Знаевме дека некој е убиен тоа сигурно. Знаевме дека тоа пробува да се скрие. И знаевме дека не може тоа да го дозволиме. Бевме на Баскер Фест, и таму раскажав 100 пати. Се појавија транспаренти. Викавме на цел глас, баравме правда за нашиот „Даниел“ кој мислевме дека е жртва таа вечер. Какво чувство, да чекориш по тие улици, да бараш правда, само заради самата правда, не знам дали можам да ви опишам луѓе. Сами против сите, ние 150.
Седевме до доцна во ноќта, решивме да се растуриме. Кога стигнав дома, го отворив големиот интернет, видов колку негативни коментари има, како велат дека сведоците лажат, како ние сме вакви, такви…е и не ми е срам да си кажам дека си поплакав. Мислев, се пропадна, ама знаев дека не смеам да се откажам. Пишував вечерта на Твитер колку повеќе можам, и заспав, спремајќи се за истото утре.
Следниот ден, што ќе видам! Убиецот сам се пријавил, дечкото е Мартин Нешковски, не марширавме за џабе! Правда! На дело! Сепак, чувство на успех не ме преплави ко по добиена битка. Знаев дека е само ова почетокот. Сепак, ми беше мило што не дозволивме државата да го забошоти убиството, што овозможивме ова дете да почива во мир. Што неговата мајка ќе знае како умрело.
Дојдов на Мајка Тереза следниот ден, и можете ли да замислите што почувствував кога видов 2000 луѓе? Не можете…и возбуда и страв и радост и тага. Голем ден беше тоа. И тежок. Многу тежок.
Останатиот дел од приказната горе доле го знаете. Продолживме мирно и достоинствено да си ги бараме нашите права, пркосејќи на секоја провокација, не дозволувајќи му на никој да ја злоупотреби нашата борба. За битката која сеуште се води можам да пишам 2 пати поголем текст од овој, но тоа во некоја друга прилика. Сега сакав само да опишам како сетоа тоа почна, за да не се заборави, за да не се искомпромитира.
Се гледаме, секој ден во 6!
Тамара Атанасоска

преземено од постот на Тамара Атанасоска
[EN] - How did it all start ( Protest against police brutality )

Open Letter to Facebook

2011-06-16T12:23:00.000+02:00

Posted on June 16, 2011 by tanja

Re: Protests against Policy Brutality in Macedonia (June 2011)
Dear Facebook,
We are writing to express our concern over the swift deletion policy that has been imposed on the facebook pages and events that we as participants in a protest against policy brutality in Macedonia are currently dealing with. We have been made aware by the press secretary for the Ministry of Interior that their administrators are responsible for reporting the groups for calls for violence and hate speech, but considering that we know the content of those pages and deny the allegations made by press secretary Kotevski, we wonder how your administrators confirm those allegations before you delete the pages. Do you confirm them at all?
The systematic deletion especially of events that bring people together in peaceful protests adds significantly to the climate of fear created by those we are protesting against, so we felt compelled to explain a few things which we hope you will take into consideration next time you receive a request from the Macedonian Ministry of Interior to kill one of our events or pages. We will try to explain in brief the background of the protests, as well as the nature of the protests with the hope that someone out there will realize how detrimental your policies are for our peaceful, non-violent cause.
Background:
In the early hours of June 6^th, shortly after midnight, a 22-year-old boy was beaten to death on the main square in Skopje in front of hundreds of bystanders. Witnesses who were there believed that the perpetrator was a member of the special police forces, but found no evidence of it in the media the next morning. In fact, the only story that was published the next day by a Macedonian news agency merely reinstated what the Ministry of Interior had published in their morning brief: that a young man started feeling sick on the main square the night before and passed away shortly after.
The outraged witnesses and their friends called for a protest to demand more information. The first day was marked with confusion, as the boy’s identity had not been confirmed and no one was coming out with official statements, other than to say that they have no information on the case. Fortunately, enough people had come out on the streets that first day, in peaceful protest, to demand more information, so that more than 40 hours after the killing occurred, the police were left with no other choice than to admit it was one of their own who committed the crime.
The Protests:
The public outrage that followed the official confirmation from the Ministry of Interior helped the protest that occurred on the first day gain momentum. More people came out the next day and even more the next, culminating in a 5000 strong protest a few days later. We have now been walking and blocking the streets of Skopje for 11 days straight and have no intention of backing down until our demands are met. The protest has since turned into a massive protest against police brutality, marked above all by a peaceful, non-violent stance. Which brings us back to our original question: why are our pages and events being deleted? And why has no one in your camp bothered to check the facts before approving requests made by the Ministry of Interior – the same people we are protesting against? The Republic of Macedonia is by no means the best functioning democracy in the world, but we are a democracy nonetheless, and our people still have the right to peaceful protests. In these past 10 days police officers have been walking the city side by side with us, helping us exercise our constitutional rights. Our protests are not violent and we do not use hate speech, and yet our events and pages are still deleted. They are deleted after we have proven time and again that we CAN be peaceful, after various local and international news agencies have covered the protests, mostly in praise of the power of the people. Our protests have been legitimized by locals and foreigners alike, legitimized even by those we are protesting against, as evidenced by the fact that the Ministry of Interior has taken the time to respond (poorly, we have to add) to our demands.
If everyone has legitimized our protests, facebook, why haven’t you?
As a gesture of good will, we have decided to add descriptions in English to our events to make your decisions easier for you. We urge you also to get more informed on our protests (I have added a number of links from credible news sources that confirm what is stated in this letter) and demand that our pages and events are left intact from this moment onwards. I can additionally confirm that the administrators of our pages and events have been very thorough in dealing with any posts or comments that violate the code of non-violence adopted by the protesters, which is a practice that we will continue to employ. By doing so, we are compliant with the provisions from the contract in which we have entered with you as individual facebook users. If there are any violations that we are committing unaware, we would appreciate additional information on what these are and they will be addressed immediately. If not, then let us be and let us plan peaceful protests uninterrupted by those who are powerless on the ground and have been using you to do what they cannot.

Learn more:
Washington Post: http://www.washingtonpost.com/blogs/blogpost/post/hundreds-protest-macedonian-beating-death/2011/06/07/AGwsJHLH_blog.html
Al Jazeera: http://stream.aljazeera.com/story/macedonia
Global Voices Online: http://globalvoicesonline.org/2011/06/06/macedonia-alleged-killing-of-young-man-by-policeman-sparks-protests/
More links in English and other languages: http://protestira.me/?page_id=236

PDF version of letter: Open letter to Facebook

преземено од постот на protestira.me

Дума: Вештачењето за случајот Мартин Нешковски беше брзо и професионално

2011-06-15T23:26:00.000+02:00

Вештачењето за случајот со момчето Мартин Нешковски беше изведено максимално брзо, професионално и точно, изјави директорот на судска медицина, Алексеј Дума.

При обработката на тој предмет, како што изјави Дума, работеле, криминалистичката техника на МВР, криминалистичката полиција, одделението за потраги на МВР и институтот за судска медицина.

„Како едно единствено дело во обезбедување на материјални докази многу брзо, професионално и точно сработија работата. Ние со нив имаме одлична комуникација, секогаш се координираме максимално професионално“ рече Дума.

Тој изјави дека обдукцијата на детето била завршена, во 12.30 часот, а податоците на истражниот судија му биле предадени на истражниот судија во 13 часот.

Мартин Нешковски во неделата вечерта после полноќ беше претепан до смрт од страна на специјалниот Игор Спасов. Случајот се уште не е разрешен, а институциите два дена молчеа за случајот.

за целиот текст на страната на Tocka.com.mk

Инфографик #protestiram!

2011-06-15T22:57:00.003+02:00

И би (каков-таков) протест

2011-06-15T22:56:00.002+02:00

Кочани, денес на 15.06.2011, во 18 часот, се придружи на протестот против полициската бруталност и за расветлување на смртта на младиот Мартин Нешкоски. Време е за квалитетни промени во организирање на силите за обезбедување на јавниот ред и мир и напуштање на менталниот склоп на прифатливост на насилството. Протестиравме и во интерес на оние кои се плашат да бидат видени на таков протест и во интерес на оние кои жестоко се спротивставуваат на ваквата иницијатива.

Протестот мал по својот обем, но со голема цел. 15-20 луѓе маршираа на релација парк-МВР-плоштад-парк, придружувани од еден полицаец на моторцикл напред и двајца полицајци кои пеш се движеа покрај и зад протестантите. За останатата бројка, која верувам дека значително ја надминуваше нашата, најверојатно оценија дека нема потреба.

Пред станицата нè пречекаа началникот на полицијата, два-тројца вооружени полицајци и два-тројца инспектори вооружени со... фотоапарати и камери. Се надевам дека убаво сум испаднал на снимките. Ако не сум, да го земам плакатот и да поминам уште еднаш.

Впечатливи беа и лицата на луѓето покрај кои поминувавме. Еден мал дел нè следеа со насмевки, а поголем дел со безизразни и сериозни лица. Најголемиот дел најрадо воопшто не би сакале да се најдат во наша близина за да не им припишат дека се дел од протестот.

Замислете, една минијатурна самоорганизирана група чекори среде Кочани и протестира за нешто. Тешко дека такво нешто се случило во скоро време, пред сè во поглед на мотивите за протестот. Протестите во кои главно се движеа ученици губејќи часови и не знаејќи ја целта на протестот, простете, ама не би ги ставил во истата категорија. Да не го мешаме ентузијазмот со јавашлукот.

Сепак, огромна сатисфакција ми се луѓето кои одбраа да го пијат своето кафе во град или останаа дома пред ТВ или пред фејсбук. Убеден сум 102,3% дека со срцето и со умот за цело време биле со нас. Оние, пак, кои сепак случајно прошетаа покрај кејот, ни помогнаа да ги собереме првите 100 потписи во нашата иницијатива.

А да, на крајот срдечно се поздравивме со еден полициски инспектор и двајца полицајци кои беа присутни до нашето растурање околу 20 часот. Тие ни беа поголема поддршка од некои луѓе кои задолжително го гарантираа своето присуство, а потоа имаа поважна работа.

Протестот го продолжуваме и во наредните денови со собирање потписи на кејот на реката, од страната на Центарот за култура „Бели мугри“ (или на платото позади, зависно од временските услови). Време исто, 18 часот. Којзнае, можеби имаме уште поддржувачи...

од Александар Симеонов

therealpsmst said:

2011-06-15T22:55:00.000+02:00

The political violence to people, by the state or any other political actor, is the proper focus for the concept of human security. The narrow definition has been simplified as "freedom from fear" of the threat and use of political violence...

(Од: Security Studies / Alan Collins)

преземено од долгиот твит на twitlonger од @therealpsmst

Родители и деца

2011-06-15T18:06:00.001+02:00

Младина што има вакви родители, секогаш треба да биде загрижена за својата иднина

Ги гледам младите луѓе желни за правда, одговорност и јавен морал како со денови протестираат против полициската бруталност и искрено им се восхитувам. Тие се единствениот зрак на надеж дека оваа земја од строго поделена и контролирана партиска држава, еден ден може да стане слободна и граѓанска. Деновиве интензивно го слушам прашањето - чии се овие деца? Не ме чуди, бидејќи овде с` е омеѓено со нужноста да се припаѓа некаде или некому - на партија, на клан, на елита, на подмладок... Овде подолго време е незамисливо човек да си припаѓа на самиот себе, на своите принципи, надежи, идеали... Овде е речиси неверојатно некој да одбие да биде партиски менаџиран и менториран, да одбие да биде инструментализиран, да биде што подалеку од дилерите на лиценци за разни видови припадност. Па, чии се тогаш овие деца што, за разлика од возрасните, упорно бараат да функционира правната држава?

Може да речам дека се наши, ваши, твои, мои... но ќе излажам. Овие деца се СВОИ. Тие се децата на нашата граѓанска иднина. Тие се подобри од сите нас кои по автоматизам влегуваме во биолошката и статистичката категорија на мајки и татковци, што се претставуваат како нивни родители.

Ние немаме морално право лажно да се претставуваме. Ако бевме родители во една друга морална и вредносна димензија, ќе бевме на протестите заедно со нив. Не значи дека некој е добар родител ако детето навреме го однесе на вакцинирање, ако редовно оди на родителски состанок, ако редовно му подготвува ручек или го контролира детето дали (му) носи „петки“. Родител е тој што ќе го учи детето на етика, на солидарност, на хуманост и на одговорност. Родител е тој ќе се бори овие стандарди да функционираат во сите сфери во општеството, токму заради иднината на сите деца. Родител е тој што нема да молчи тогаш кога на градскиот плочник ќе згасне животот на едно момче, во суров обид убиството да се забошоти со алатките на една вагабонтско-орвеловска машинерија.

за целиот текст на Катерина Блажевска - Дневник

Кој протестира на плоштадите

2011-06-15T18:01:00.000+02:00

Интернет-генерацијата веќе со денови мирно протестира по македонските градови. Најмасовно во Скопје. Младите бараат одговорност за една залудна смрт. Особено за обидите на власта за забошотување на убиството на Мартин Нешковски, нивен врсник, претепан од полицаец на специјалните одреди, таа вечер не се знае по чиј налог ангажиран во обезбедувањето на премиерот Никола Груевски на прославата на изборната победа. Сликата на невината жртва, младиот Нешковски, носена од младите стана најсилната порака за демократизација на Македонија.
Протестите повикуваат на јавно соочување на сите граѓани на Македонија со својата совест и со совеста на општеството, без оглед на политичката, партиската верската и расната припадност. Имаат ли граѓаните на Македонија, по дведецениска хибернација и тотална амнезија, нешто што ќе ги разбуди и ќе им овозможи да видат една нова слика, сосема поинаква од онаа што постојано ни е пред очи. Ако сите не го почувствуваме мирисот на вистинската македонска пролет, набргу овие кокичиња ќе замрзнат, бидејќи прерано ги кренале главите. Снегот е уште длабок. Во Македонија од дамнина им ги кинат главите на петлите што рано кукуригаат.

за цел текст од Ерол Ризаов - Утрински Весник

Одговор на вчера добиеното барање од група граѓани

2011-06-15T17:01:00.000+02:00

Почитувани,

Министерството за внатрешни работи би сакало да ве информира дека најголемиот дел од барањата доставени со поднесокот 49181/1 од 14.06.2011 година, кои се во во ингеренција на министерството се веќе исполнети, односно по истите е постапено, додека за останатите политички барања постојат соодветни процедури во демократски избраните институции.

за целиот текст на страната на МВР

Непрофесионалците упорно го рушат угледот на цела полиција и шират страв и чувство на несигурност кај граѓаните во Република Македонија

2011-06-15T16:55:00.000+02:00

Хелсиншкиот Комитет за човекови права на Република Македонија во целост го поддржува начинот на изразување на револт и незадоволство и барањата на младите луѓе кои го кренаа гласот против бруталноста и насилството на поединци од државните институции и срамната поддршка и прикривање на злосторството на тие поединци, од страна на највисоките претставници на тие институции.

Со ова се потврдува подолго време присутното јавно мнение за големата партизираност и де-професионализација на виталните државни институции со што се генерира страв, чувство на немоќ и незаштитеност кај сите граѓани во Република Македонија. Незамисливо е во една демократска држава, кандидат за членка на Европската Унија, помошник министерот со своето јавно дезинформирање да стана соучесник во убиство на младо момче а притоа да не се побара негова одговорност.

Никој нема право на ваков груб начин да го руши кредибилитетот на основниот столб кој гарантира безбедност на граѓаните. Во полицијата работат и професионалци кои во оваа ситуација неправедно трпат штета на својот углед и работа. Сите учесници инволвирани во овој чин мора да понесат одговорност и кривично да одговараат за нехуманото и спротивно на законот извршување на службената должност.

Години наназад Хелсиншкиот Комитет за човекови права на Република Македонија, заедно со голем број меѓународни институции и организации бара измени на механизмот за контрола на работењето на Министерството за внатрешни работи. Последното убиство е аларм дека тоа сега и веднаш мора да се реши. Контролата врз институцијата мора во себе да го содржи и граѓанскиот сектор, заради обезбедување на поголема транспарентност и независност на механизмот.

Хелсиншкиот Комитет го повикува Јавниот обвинител итно да спроведе истрага за извршителите и соучесниците на бруталното убиство на младото момче, со целосна транспарентност заради недоумиците и несигурноста која се јавува кај граѓаните на Република Македонија.

преземено од страната на Македонскиот хелсиншки комитет

Пази да не заспиеш, ама не заборавај да се напиеш друже полицаец!

2011-06-15T10:36:00.001+02:00

Во режија на: Внатрешна контрола при МВР

Жарн: Црна комедија

Сите ‘као’ знаеме дека институциите не ни функционираат, ама мислам дека никој нема јасна идеја каква Монти пајтоновска шала е Внатрешна контрола при МВР. Да не беше трагично, ќе беше ептен смешно. Барањето за воспоставување на Надворешна контрола на МВР не смее да падне во сенка на останатите барања, затоа што моменталениот систем на контрола т.н. Внатрешна контрола на МВР, може да служи единствено како инсипрација за црна комедија.

Како работи Внатрешна контрола при МВР (види табела долу):

- Служи главно како аларм будилник-најголемиот број случаи со завршница се казни за спиење на работа.

- Спиење за време на работно време е пострашен прекршок, од употреба на алкохол во работно време. За првото ќе помине полицаец со казна од 15% од месечната плата во траење од шест месеци, а за пијан провод дури со писмено предупредување.

- Спиење на работно место е пострашно и од нарушување на јавниот ред од ‘чуварите на јавниот ред и мир’. За нарушување на јавен ред и мир ако сте полицаец ќе добиете или писмено предупредување или ако ептен се опуштите и се степате дури 15% од месечната плата во траење од три месеци.

- Не превземање на мерки за откривање на сторител на кривично дело и расчистување на случај е побезопасно од спиење на работно место и од превезување на дрва без дозвола. За првото ќе ве предупредат, ама за превезување дрва 5 месеци ќе Ви скратат од плата по 15%.

- Користење на мобилен телефон или лап топ, или не дај боже пуштен телевизор во работно време е пострашно од физички напад на малолетно лице. Мавај по малолетници, па ќе добиеш предупредување, ама немој да ти текне да се јавиш на приватен мобилен, затоа што може да ти скратат и по 15% за четири месеци.

- Кога полицаец ќе удри полицаец повеќе боли, одколку кога полицаец ќе удри малолетник. Затоа и казната, се разбира, е поголема од предупредување. Дури ќе го распоредат едно место пониско.

- Несовесно ракување со оружје е исто како полицаецот да се заборавил, па си останал да си седи во полициска куќарка. Ништо поозбилно, па Внатрешна контрола и во двата случаи ќе предупреди, дури писмено.

- Пушење во службено возило е поголем грев од несовесно ракување со оружје, нарушување на јавен ред и мир и физички напад на мололетник. Ако за последните три може да се помине со предупредување, за пушење ќе почувствува домашниот буџет два месеци 15% помалку од вообичаено.

Итн…… Листава на апсурди е бесонечна.

НАРАВОУЧЕНИЕ: Во работно време пази да не заспиеш, немој да носиш и збориш на мобилен телефон, не гледај порничи. За да ти е полесно, опушти се со една чашка ‘жта, зашамарај некој малолетник чисто да исфрлиш негативна енергија, и излези од кола кога ти се пали цигара.

П.С.

Во првите 3 месеци од 2011 од вкупно 379 пријавени случаи во Внатрешна контрола на МВР, 20 биле пријави на граѓани за прекумерна физичка сила спрема нив од полициски службеници, од тоа неосновани се 16, без доволно докази 3, покрената постапка 1, завршница 0.

Во табелата (види долу) се собрани сите случаи со завршница пред Внатрешна контрола врз база на извештаите на Внатрешна контрола за пола година во периодот од 07-12.2010 (можно е да има пропусти во бројките плус/минус нешто ситно, во броење ако сум утнала). Примероков не цели да има некоја репрезентивност, туку чисто да даде слика на кое ниво е свеста на нашата полиција, и за тоа е сосема доволен.

Освен тоа што случаите покажуваат дека полицијата нема никаква свест дека се сервис на граѓаните, и не знаат што значи концептот човекови права, се наѕира уште едне проблем. Тоа е дека не постојат никакви критериуми на кои се базираат казните, освен ако не се мери цврстината на сонот или промилите алкохол. Тоа отвара еден опасен проблем, а тоа е потенцијална манупулација на процедурата, т.е. построги казни за “политички неподобни” полицајци, а поблаги за “нашите”.

Надворешна контрола на МВР под итно!!!!

за повеќе (вклучително и табелата) на постот на Put on the light

Хронологија според медиуми

2011-06-14T17:53:00.000+02:00

Ова е хронолошка анализа на тоа како случајот се одмота и излезе во јавност.

Понеделник 06.06.2011

Факт: Понеделник, 06.06.2011 година во 00:40 часот Мартин Нешковски е претепан до смрт од страна полициски службеник.

Факт: Смртта на Мартин Нешковски не е заведена во дневниот билтен на МВР од 06.06.2011 (доказ тука)

Факт: Аутопсијата на Мартин Нешковски е завршена во 12.30 часот. Потврдено е присуство на лица од МВР на аутопсијата.

Факт: Околу 16:00 настанот за прв пат се споменува на Макфакс, Нетпрес и на социјалните мрежи. Очевидци трвдат дека дете е претепано на плоштад. 16ч по убиството, првата официјална изјава на МВР вели дека на момчето му се слошило.

Аутопсијата на Мартин Нешковски завршува во 12.30 часот

“Директорот Алексеј Дума потврди дека додека траела обдукцијата, во понеделникот, од 10.30 до 12.30 часот, присутни биле и претставници од МВР. Во 13 часот тие усмено биле известени дека момчето починало од крварење во мозокот, поради удари во главата.” Извор: А1 Телевизија

Портпаролот на МВР Иво Котевски држи прес-конференција ( околу 15.00 часот)

“Таков настан воошто не е пријавен во МВР и доколку имате било какви сознанија и информации ви стоиме на распалогање за да го пријавите настанот.”

Официјална изјава од СВР Скопје (16:08 часот)

“Четириесетина минути по полноќ на плоштадот Македонија, пред МЕПСО, од засега непознати причини починало непознато лице на возраст од 23 до 25 години, потврдија за Макфакс од СВР Скопје . Момчето било донесено од страна на 4 до 5 лица од плоштадот, каде се одржувало Баскер фест, пред МЕПСО, бидејќи според укажувањата на сведоците, му се слошило, велат од СВР Скопје. Викната е Брза помош на лице место и констатирана е смрт. Според СВР Скопје првични траги на насилство нема” (Извор: Макфакс)

Прашање: Ако се правела обдукцијата пред 16 часот на 06.06.2011 и се откриле траги на насилство, зошто уште истиот ден МВР излезе со информација дека на момчето според укажувања на сведоци му се слошило? Кои се тие сведоци?

Понеделник, 06.06.2011 16:34

Твитер корисник - Алфите вчера утепаа дечко на плоштад а видете што пишува по весници . тие се вашите чувари, ви ги убиваат децата. (линк до изјавата тука)

Понеделник, 06.06.2011, 16:56:27 (Извор: Нетпрес)

“Припадник на специјалната единица Алфи синоќа околу 00:40 часот на градскиот плоштад во Скопје, до смрт го претепал 23-годишниот Даниел од населбата Ѓорче Петров. Очевидец кој бил во тој момент присутен на “Баскер фест“, за Нетпрес потврди дека врз момчето бил извршен брутален напад.”

Понеделник, 06.06.2011, 16:56:27

Прашања:

- Кои се тие сведоци што дале лажна изјава?

- Никој од присутните не приметил дека има повреди на телото, вклучително и Брза помош?

- Зошто настанот не е објавен во дневниот билтен на МВР на 06.06.2011 како што е пракса туку на 09.06.2011 во обилк на демант на ТВ прилог?

Понеделник 06.06.2011 19.00 часот

Снимена изјава на очевидец на А1 телевизија во која очевидецот изјавува:

“Гледам само еден дечко као го брка и одеднаш падна дечкото,се сопна, помеѓу клупа тука кај форнети киоскот. Му мавна еден бокс, значи брутално буквално, бокс, нога во глава, го фати за глава и од клупата го лупна, и пак уште еден бокс, и кога го виде дека не мрда го фати одеднаш го крена на клупата го стави, почна да се преправа божем дека вода бара. И зема го попрска, ги викна другите од обезбедувањето, значи дечкото не даваше знаци на живот...”

Вторник 07.06.2011

Весникот Вечер во Вторникот, кој што излегува Понеделник навечер го објави следново:

“Непознато момче на возраст од 23 до 25 години вчеравечер било пронајдено починато на тревникот пред МЕПСО во центарот на Скопје. Очевидци на настанот за полицијата изјавиле дека неколку минути пред полноќ, на плоштадот Македонија, каде што се одржувала културната манифестација "Баскер фест" на непознатото момче му се слошило. Четири-пет лица го извлекле до тревникот пред МЕПСО каде се обиделе да му помогнат. Била повикана Брза помош, но нивното доаѓање било констатирање на смрт кај момчето. Од страна на лекар, првично било констатирано дека на телото на починатото момче немало видливи траги на насилство” (Извор: Вечер, Бр. 14709)

Вторник, 07.06.2011, 11:57

Телевизијата Алфа во 11:57 излегува со прилог во кој што објавува дека кај починатото момче се пронајденитраги на насилство.

- Пронајдени траги од насилство Алфа ТВ вторник, 07 јуни 2011, 11:57

Вторник, 07.06.2011, 16:19:02

“Портпаролот на МВР Иво Котевски изјави дека според наодите од Судска медицина кои МВР ги добило вчера во 16 часот станува збор за насилна смрт на 22-годишното момче од Скопје, по што следува соодветна истрага.” Вторник, 07 Јуни 2011 година, 16:19:02 (Извор: МИА)

А1 Телевизија прави прилог, во кој што ја интервјуира мајката на Мартин Нешковски. Таа потресена од настанот, го изјавува следново:

„Го убија, тие го убија, никој друг, државата и уште да кријам, како да кријам или дојдоа од ВМРО да го убедат маж ми не треба да кажува така, тоа го направија, да го молат да не кажува, да не дава изјави оти државата го уби. Уште ќе работам за државата, цело време одевме, детето дојде со веселба, да каже“

Прашања:

- Кои се тие сведоци кои што изјавиле дека на непознатото момче му се слошило?

- Кој е лекарот што првично констатирал дека на телото на починатото момче нема траги од насилство?

- Доколку нависина имало луѓе што го убедувале маж и да не говори во јавност за случајот, дали МВР ќе спроведе истрага за откривање на тие луѓе?

Среда 08.06.2011

Министерката за внатрешни работи држи прес конференција во која што го изјавува следново

“Значи по однос на неговата ангажираност, лицето со наредба било ангажирано од.. до 24.00 часот. Што значи дека тој на должност бил до 24.00 и за тоа е направена службена белешка” (Извор: Алфа ТВ)

Премиерот на Република Македонија Никола Груевски дава јавна изјава во која што го кажува следново:

“...се работи за лице, кое што е осомничено за убиството, кое во моментот, како што ми пренесе министерката, не било на службена должност. Значи било лице кое работи во МВР, во Тигрите, но во моментот кога било тоа, по распоред не бил на службена должност” (Извор: Канал5 Телевизија)

Телевизијата Сител воведува нов концепт на новинарство наречен хипотетичко новинарство. По бурните реакции од јавноста прилогот со хипотетичкото новинарство е тргнат од интернет. Линкот до избришаната сторија е следниов. Интернет корисници од Македонија прават “скриншотови” од овој прилог.

Прашања:

- Каде е службената белешка како доказ дека лицето било ангажирано до 24.00 часот?

- Зошто припадник на елитната единица Тигри имал наредба да обезбедува настан каков што е прослава по повод победата на парламентарните избори? Дали таков вид на прослави се настани со висок степен на ризик?

- Зошто статијата со хипотетичко новинарство е тргната од веб? Дали Сител телевизија не стои позади она што го објави?

Сабота 11.06.2011

Утрински Весник објавува статија:

“...телевизиските камери и фоторепортерите го снимија Спасов само десет минути по полноќ, во блиското опкружување на раководството на ВМРО-ДПМНЕ. На фотографиите може да се забележи штипјанецот како од десната страна го обезбедува движењето на ВИП-личностите кон скопскиот плоштад” (Извор: Утрински Весник)

За потсетување министерката Јанкулоска на прес конференција изјави дека Спасов имал усна наредба да биде на должност до 24 часот.

Прашања:

- Зошто Спасов обезбедувал по 24.00 часот?

- Доколку била издадена уште една усмена наредба за продолжување на неговата должност таа вечер, кој ја издал таа наредба и до колку саатот е издадена наредбата?

Понеделник 13.06.2011

Алфа телевизија објавува прилог во кој стои следново:

“Дека на скопскиот плоштад е пронајдено младо момче во бесознание и дека на телото има траги на насилство, дежурниот истражен судија бил известен ноќтта по инцидентот од полицискиот центар 192 - тврдат од Основниот суд. За кратко време судијата добил уште еден повик од истиот број -дека момчето починало и дека телото било преместено од местото на убиството - објаснуваат во телефонски разговор за Алфа од Кривичниот суд.” (Извор тука)

Прашање:

Ако дежурниот центар 192 го известил истражниот судија за инцидентот, зошто истиот не е заведен во дневниот билтен и зошто портпаролот на МВР тврдеше дека таков случај воопшто не е пријавен?

преземено од документот

Убиството на Мартин Нешковски - ХРОНОЛОГИЈА на настаните

2011-06-14T15:35:00.001+02:00

Кликнете овде за да симнете PDF верзија спремена за печатење.

преземено од пост на блогот на М0дел

Протестно барање против полициско насилство

2011-06-14T15:30:00.000+02:00

Секој заинтересиран граѓанин на Република Македонија може да го пополни барањево и да го достави до институциите.

Превземи го тука во PDF или ODT формат.

Дополнително: превземете го прирачникот за употреба на законот за постапување по предлози и претставки во PDF формат тука..

До:

Скопје, 14 јуни 2011 г.
Предмет: Барање, претставка, -

ПРОТЕСТНО БАРАЊЕ ПРОТИВ ПОЛИЦИСКОТО НАСИЛСТВО
Ние граѓаните на Република Македонија огорчени од бруталното убиство на Мартин Нешкоски од Скопје, здружени и невооружени јавно, го изразуваме револтот против нечовечкото однесување на припадниците вработени во МВР.

Полициското насилство и непрофесионално однесување на службите на народот чија основна задача е заштита, а не репресија, претставува сурово нарушување на универзалните човекови права.

Убиството на младо човечко битие кое се случи на 6-ти јуни 2011 година во Скопје на плоштадот Македонија, не обедини сите нас да излеземе на нашите улици бидејќи се чуствуваме директно повикани да го заштитиме правото на живот, безбедност и директно учество во демократијата.
За таа цел го поднесуваме следното протестно барање до сите државни органи:

1. Целосно почитување на универзалните човекови права од страна на сите институции на системот.

2. Одговорност и целосно расветлување на случајот каде крвнички беше претепан 22 -годишниот Мартин Нешкоски од Скопје, со доставување на комплетната доказна документација до судските органи;

3. Правда, утврдување на кривичната одговорност и санкција за сторителот на свирепото убиство на 22 – годишниот Мартин Нешкоски од Скопје;

4. Правда, утврдување на кривична одговорност и санкција за сите одговорни лица кои со неодговорно вршење на јавна функција и пропусти во вршењето на функцијата, со неспречување на казнивото дело и со груб обид за прикривање на настанот, доведоа до загрозување на безбедноста на граѓаните, загрозување на почитувањето на основните слободи и права на човекот и граѓанинот гарантирани со Уставот на Република Македонија, законите и ратификуваните меѓународни конвенции и договори.

5. Поднесување на кривична пријава од страна на надлежните органи на прогон за прикривање на кривично дело (убиство) се со цел откривање на сите учесници во кривично правниот настан.

6. Замена на секторот за внатрешна контрола и професионални стандарди во МВР со Независен систем на контрола на работата на МВР (по препорака на сите извештаи кои упатуваат на формирање независна цивилно тело за контрола) .

7. Преиспитување на сите законски и подзаконски акти од областа на внатрешните работи и нивната примена во врска со формирањето, функционирањето, третманот и намената на единиците на полицијата и истите да претрпат измени и дополненија заради воведување на строги критериуми за вработување, редовни стандардизирани психолошки тестови и проверки, строго дефинирање на начинот на управување, надзор, намената на полициските единици и строго дефинирање на потребите заради кои припадници на специјални полициски единици ќе бидат повикувани на службена должност.

8. Забрана за вработување на лица во МВР кои имаат криминално досие и се одговорни за дела од сферата на насилниот криминал.

9. Зголемена контрола над работата Министерството за внатрешни работи преку задолжително правно регулирање на начинот на објавување на годишниот јавен извештај на МВР односно формирање на правно тело која ќе се грижи за отворено учество на заинтересираните граѓани (одлуката за присуство е на ниво на индивидуа или граѓанска организација, а не по принцип на селективност на државните органи) односно регулирање на редовно издавање на месечни јавни извештаи и термин за односи со јавност на која ќе мора да се даде одговор на сите прашања поставени од заинтересираните страни.

10. Заострена казнена политика во КЗ за кривични дела сторени од страна на вработените во МВР без разлика дали се или не се сторени на службена должност.

11. Оставка на сите директно одговорни лица во МВР, заради нехумано и неодговорно вршење на функцијата, а особено на министерката за внатрешни работи г-ѓата Гордана Јанкуловска и Помошникот министер за Односи со јавноста при МВР, г-динот Иво Котевски, а во рок од 7 (седум) дена по доставување на ова барање.
Воедно напоменуваме дека фактите од ова барање се дел од препораките содржани во следните извештаи и документи:

Извештај за човекови права за Македонија за 2010 година на Стејт департментот на Соединетите Американски Држави;
Извештај за напредокот на РМ за 2010 на Европската Комисија;
Извештај на Повелбата за граѓански и политички права на Обединетите Нации – за РМ за 2008 година.

Ве молиме да се изјасните по нашето барање во најкус можен рок на следната e-mail адреса :

info@protestira.me

Со почит,

преземено од Протестира.ме

Marching Against Police Brutality in Macedonia

2011-06-14T08:26:00.000+02:00

The killing of a 22-year-old man has sparked days of non-violent street protests by thousands of youths in Macedonia. In initial reports, police said there were no signs of a violent attack on the man's body, which was found June 5 after post-election celebrations in Skopje, Macedonia's largest city.

for full photo and video story Al Jazeera

Фото стории од протестите

2011-06-14T08:00:00.000+02:00

Фото сторија на Кузевски:

http://flic.kr/s/aHsjuTSRgc

Фото сторија на Бане:

https://picasaweb.google.com/sekojdendoostavka/5102011

П Р О Т Е С Т И Р А М!

2011-06-14T00:20:00.000+02:00

П Р О Т Е С Т И Р А М!

(мојот скромен придонес кон Протестите против полициската бруталност)

Протестирам затоа што барам правда!

ПРОТЕСТИРАМ!

Ме воспитуваа дека луѓето се разбираат со збор. Животните со ќотек. Затоа и протестирам! Во 21виот век ,примарниот едукативен метод е ТЕПАЊЕ! ПРОТЕСТИРАМ!
Еден момче напиша дека „срушена е секаква доверба кон системот“. Целосно се согласувам. Ако не мислите така, запрашајте се : „Дали ако ми затреба помош од полицаец без двоумење ќе ја побарам?“ Јас лично, НЕ! Да не зборувам за медицинскиот персонал кој не забележал дека Мартин е брутално убиен. Јас кај тие лекари не би отишла, па макар имале не само компјутери туку и телескопи како работни реквизити.
Некои млади луѓе сметаат дека не е толку страшно што припадникот на специјалната единица „Тигри“ го убил Мартин бидејќи тој имал криминално досие! ПРОТЕСТИРАМ! ПРОТЕСТИРАМ! ПРОТЕСТИРАМ! Протестирам, затоа што прво се праша кој бил убиениот, а дури потоа се донесе решение дали ќе се осуди убиството или не! Зарем во државите со изградени правни системи на луѓето со криминални досиеја судот не им ја одредува казнената мерка, а кај нас излегува дека насилници во улични тепачки досудуваат смртна казна?!
ПРОТЕСТИРАМ затоа што во моментот не сум во Македонија и не можам активно да се вклучам во настаните. За некои десетина дена ќе бидам дома на еден ден и ако има протести, таму сум! Дотогаш секојднево ќе Ве поддржувам на социјалните интернет мрежи!

Затоа, ВИЕ што сте тука, Протестирајте! Протестирајте од ЧОВЕЧКИ и ХУМАНИ причини!

Доста се жалиме дека државата не чини, дека институциите се вакви или онакви... еве шанса да го смениме тоа. Државата сме ние луѓето, а не некој апстрактен, празен и ненаселен простор. Протестите се НЕНАСИЛНИ. Ако ви треба повеќе од само еден повик за да се приклучите, прашајте се:„Што ако на местото на Мартин бев ЈАС? Или некој мој близок???“ и пробајте да се справите со тие чувства!

Благодарам до родителите што Не поддржуваат. Една мајка изјави вака:

„ Апел до сите мајки!

Утре, ЗАДУШНИЦА, со икона на ПРЕСВЕТА БОГОРОДИЦА (СВЕТА МАЈКА) да посветат 5 минути и молчешкум да го посетат местото каде што беше убиен младиот Мартин и да запалат свеќа за покој на неговата душа.

Нам не ни недостигаат Свети Храмови - ги губиме децата!

Мартин почивај во мир! Слава Ти!

Лидија од Македонија “

Друг еден татко го напиша овој тескт: http://www.netpress.com.mk/vest.asp?id=87654&kategorija=1

Браво!

А, за тие што фрлале со јајца по младите или што не сакале да им продадат вода, нека се гордеат со својата постапка.....јас немам поинаков коментар. Човечки е да се греши. Нечовечки е да не се признае злоделото, да не се побара прошка, а пред се да се справи самиот со себе и да се покае!

П.С Отвеорете си еден Твитер акаунт.

преземено од фејсбук страната на Irina Milevska

Miroslava said: Во врска со етикетите

2011-06-13T16:18:00.001+02:00

Денес на импровизираниот амфитеатар позади спомен куќата на Мајка Тереза, беше изнесен став на граѓанин, кој рече „Зарем треба да одиме на А1? Зарем треба да одиме на телевизии што читаат партиски соопштенија? Та тоа се најголемите партиски мегафони во државава“. Завршен цитат.

Присутните со аплауз ја дочекаа оваа изјава дадена на мегафонот. Документирана со снимка, верувам ќе ја искористат Сител и Канал 5 веќе утре. Ако воопшто дојдоа да го покријат настанот, бидејќи не ги видов.

Оваа изјава беше дадена откако телевизија А1 покани претставници на граѓаните кои протестираат против полициската бруталност, да гостуваат во живо во студио на телевизијата. Притоа скапоцена енергија се трошеше во оградување од партии. Меѓу другото А1 телевизија беше окарактеризирана како СДСМ - овска. Пропагандната машинерија успеа да ги распука првите куршуми.

Етикетите кон А1 ги упатија граѓани кои не сакаат да бидат етикетирани како партиски субјект. Истите тие подоцна, откако рекоа дека А1 е СДСМ побараа од сите телевизии линк во живо. Сево ова го сведочев и е од мое лично присуство. Притоа, не се зеде предвид дека настанот со протестите и лишувањето од живот на Мартин Нешкоски беше најпрофесионално и најнапред на телевизија емитувано од А1.

преземено од долгиот твит на twitlonger од @NovinarkaSkopje

Tina said:

2011-06-13T16:17:00.000+02:00

Ubavo e shto Vie ste posakale da ste ednakvi kon mediumite. No za edno da sme na jasno. Sitel ne prestana da izvrtuva se shto se sluci na protestite. Petka faleshe samo so crveno da gi zaokruzi facite na politicarite koi vi se pridruzija i gi vrteshe pola nedela. Telma, Alfa i A1 bea najkorektni kon Vas. Ako ne si ovlastite pretstavnici ili ako ne zastanete da govorite vo svoe ime, jasno i glasno kako individui, nikoj nema da ve razbere. Ne rabotam vo nieden od navedenive mediumi i nema nikakov licen interes za da kazam shto i da e, ako ne e taka.
Pozdrav, Valentina

PS: Vo sekoj mig, sekoj od Vas neka ostane sloboden da govori za toa shto go navelo da protestira. Izjavata pochnete ja so: "Ne mozam da govoram vo ime na drugite, no...i kazete shto imate da si kazete od srce. Sekoj ke Ve razbere bez problem! Ete Vi formula kako da ja nadminete zbunetosta. Kazete otvoreno deka grupata ne e partija i nema lider i zboruvajte za toa zoshto ste tamu na protestite.

преземено од долгиот твит на twitlonger од @bazerko_88

Twitter, Protest and Resignation? #martin #protestiram

2011-06-13T16:07:00.000+02:00

The protests, initiated after the brutal killing of Martin Neshkovski by a member of the Macedonian
police forces, contributed to the Macedonian society in several ways. What we achieved was
mostly a benefit for the youth, but certain influence has been exercised over political parties, civil
society organizations and of course the Ministry of Interior.

For the sake of a simpler classification in the sea of information, i will try to emphasize five
positive outcomes we already gained and other three, which I believe will follow.

What did we get from protests against the police brutality?

целосниот текст се наоѓа на постот од Големата Слика, блог на Марјан Забрчанец